爆裂點｜張家輝自爆拍攝意外受傷 梁洛施首次挑戰動作戲演技夠震撼
廣告
林超賢導演從影以來首次擔任監製工作，聯同最佳拍檔監製梁鳳英，攜手為年輕導演唐唯瀚打造香港動作電影新焦點，英皇電影《爆裂點》於今日（20號）舉行定檔發佈會，總導演兼監製林超賢，率領導演唐唯瀚及主角張家輝、陳偉霆、梁洛施、譚俊彥、周秀娜、楊天宇、許恩怡、朱鑑然、黎峻、李凱賢乘坐遊艇出海，強勢列陣配以維港絕美景色，帶出《爆裂點》台前幕後皆是香港班底、洋溢港式動作片的地道特色，勢必再創新經典！英皇電影《爆裂點》將於12月8日（星期五）隆重獻映，萬勿錯過！
張家輝自爆意外整傷腳 超敬業繼續拍
張家輝在戲中的表現被稱為神級演技，而向來認真的他更大爆拍攝時意外受傷：「導演問我跳唔跳，我都好成功跳咗落去，第一Take落地時好完美。點知佢問我可唔可以嚟多次，即係挑戰我啦！我就反問點解唔可以，但係我第二次跳漏咗啲步驟，再跳落去就拗柴。」而同劇的陳偉霆亦透露就算整親腳，張家輝依然跑跑跳跳繼續拍攝，超級敬業！
陳偉霆拍完感到重生
今次是陳偉霆久違回港拍戲，佢亦表示今次能夠同家輝以及林導合作，機會十分難得！而自己都好似重上軌道咁，亦得到好多前輩的指教，令自己獲益良多。陳偉霆更表示：「我經常講感覺就好似重生咁，原來拍一套電影可以咁癲，拍完煞料都好興奮！」
梁洛施首次挑戰動作戲 演技備受肯定
梁洛施是首次挑戰動作戲，她亦透露導演很愛錫自己，更表示：「不過我覺得自己應付到，可以做打女。」而導演亦大讚梁洛施：「佢未拍前有擔心過，但係結果出來好有震撼力，估唔到佢可以有呢個效果。因為佢之前一直框喺某類型入面，但係作為演員就係要跳出框框，我要逼佢跳出來，今次係好開始。」
譚俊彥笑稱自己拍到對唔住周秀娜
同樣有份參與電影的譚俊彥及周秀娜在拍攝時亦有不少趣事，周秀娜在戲中同譚俊彥有感情線，雖然無需打鬥，但見到一班男演員拍動作場面打得甘都十分佩服！而譚俊彥則搞笑表示自己十分對唔住周秀娜，皆因自己拍攝時的衣服比較厚，所以每日都一身臭汗味同周秀娜對戲，不過周秀娜都貼心表示唔覺得有臭味！
撰文：東方新地圖片來源：大會提供
