32歲網紅Lilian Kan大玩校服誘惑網友：濃妝厚粉30+著校服過咗火

Oct 22 2020

廣告

浴缸玩過，仙氣玩過，水著玩過，仲有典床典蓆都玩過，設計師出身、網上大紅，仲有咩造型係LilianKan(簡幗儀)未玩過？今次高登巴打都被佢大到，三十幾歲竟然重返校園玩校服look喎！

撰文、圖片：東方新地

Lilian Kan回憶在學時大玩校服誘惑

日日有靚相po用心經營網紅事業嘅Lilian，日前就發出多張校服look派狗糧，玩制服都要玩得高招，Lilian大條道理，話因為自己學生時代冇自信又冇安全感，長期情緒低落覺得自己一無是處，換言之家陣32歲嘅佢已經搵番自信，就要著番套校服重溫校園感覺啦！

影相同製造話題仲pro過歌影視明星，日前Lilian Kan最新學生妹look又喺巴打界掀起話題。

著埋長襪攞埋杯珍珠奶茶做道具，問心嗰句，網紅即係網紅，呃like都呃得有誠意過人。

呢個女學生踩完凳又坐枱，唔著鞋仲要爭啲露埋底，網友都話目測操行分好低。

都有網友雞蛋裡挑骨頭，話佢濃妝厚粉gel甲仲有眼紋，30+著校服過咗火，不過都係嗰句，認真就輸了。

入戲嘟嘴被網友指摘扮嫩，女主角EQ夠晒高一笑置之。

呢轉重返校園之旅，Lilian Kan都話信心番晒嚟，轉po快到攝影師都跟唔切。

關鍵詞