【Do姐有問題】陸永、C君首推「Do姐常識問答比賽」 爆鄭裕玲拍戲秘聞！
廣告
「Do姐」鄭裕玲與組合「農夫」成員陸永及C君的合作好有火花，經常大放笑彈，三人組合更被譽為黃金主持組合，而之前由三人主持嘅《Do姐有問題》深受歡眾歡迎，TVB食髓知味，早前開拍第三輯，首集安排喺7月21日今個星期日晚8點半播出，創意十足嘅陸永、C君仲自己度橋推出「Do姐常識問答比賽」環節，早前佢哋接受訪問，就大爆Do姐早年拍戲嘅秘聞，原來當年Do姐試過畀名導演困足四日四夜喺廠，到底係邊個呢？一齊睇睇！
撰文：東方新地｜圖片：新傳媒圖片庫、Do姐IG
《Do姐有問題》第三輯再放笑彈
鄭裕玲（Do姐）與農夫主持嘅《Do姐有問題》周日晚會播出第三輯，首集邀得馬國明、唐詩詠、黃翠如及黃智雯任嘉賓打響頭炮。今次節目更加入農夫創作的「Do姐常識問答比賽」，陸永與C君笑言會公開Do姐鮮為人知的趣事。
大爆「鄭九組」拍戲秘聞
《Do姐有問題》第三輯中，C君同陸永創作嘅「Do姐常識問答比賽」帶入節目中更成為重要環節：「Do姐係大到可以當做一個比賽。」佢哋又笑言搞個人崇拜，不過Do姐笑住反擊話：「佢哋諗問題都辛苦，估唔到我以前同佢哋講拍戲嘅趣事佢哋仲記得，連『垃圾』都識記嘢！」
C君話節目會大爆DO姐未曾公開的秘密，又話：「Do姐以前拍戲嘅時候稱為『鄭九組』，試過畀一位大導演困住4日4夜喺廠拍戲。」及後Do姐表示這位導演就是徐克，又笑言開工無飯食已經算小事！
