Coffee林芊妤𠝹波袋不敵「老公照妖鏡」 自貼頹Look女網友深表共鳴
撰文：東方新地、圖片：Coffee林芊妤Facebook
Coffee林芊妤𠝹波袋不敵「老公照妖鏡」
不知不覺原來Coffee同佢老公已經識咗四年，早前兩公婆見難得落街，又遇上陽光普照，自然就想影下相架啦，Coffee都唔敢太多要求，只係叫老公「求其影幾張相」，點知就出事啦，就算背住𠝹波袋盡顯好身材，都不及老公幫佢影嘅相咁引人注意。
網民表示好有共嗚：天下老公都係咁架！
不少網民看了後都表示同情兼認同，睇嚟大部份女生嘅另一半都好聽話，叫佢哋求其影就一定唔會認真影！
我都好佩服啲老公，永遠可以捕捉到自己最核突嘅一刻😌
佢根據你要求 咪求其咗囉😆
原諒老公呢族人，因為十個有九個都係咁😅😅
角度的重要性，身長腳短😂
唉，影成咁俾着我都會嬲，影好D都得呱😅😅
叫伯伯（Coffee兒子）影肯定影得靚過佢🙈😂
你老公好有藝術細胞
天下老公都係咁架🤣🤣
老婆崩潰系列🤣
我明架，叫老公影相，十張有十張都可以delete😂
我男友都係咁上下⋯ 啲男人都係冇乜影相觸覺架啦🤦🏻♀️🤦🏻♀️🤦🏻♀️
果真是老公 這樣才能保護老婆
不過就算影得衰又點會真係嬲得落啊！Coffee同佢老公經常都喺網上放閃，今次嘅另類放閃仲得到大家嘅共鳴，呢兩公婆真係好有愛啊！
Coffee林芊妤靠瑜珈成功洗底 私人教學$2,000/hr
新冠肺炎疫情籠罩下，香港人連月來留家抗疫，全港學校已經停課幾個月，興趣班亦大受影響，實體學校冇運行，身為瑜伽導師的Coffee（林芊妤），肺炎疫情下瑜伽班難逃停課厄運，向來最識轉危為機的她，近月便轉型主力網拍教學，除了出動一歲得意囝囝「伯伯」吸Like，連老公都落場幫拖做示範，早前開了個人YouTube運動頻道的她，連月閉關在家，透過社交網密集式Po片，一家三口網上教學，每條片動輒有數十萬個Like，威過唔少天王巨星，月吸廿萬疫市有出路。
一舉成名天下知，唔理好事定醜事，只要有了知名度，原來都是一個商機，14年爆出「殘廁Gathering 」事件令在無綫六年來寂寂無聞的Coffee（林芊妤）一夜成名，雖然被無綫炒魷，卻並未打沉Coffee意志，未幾在網上頻開live晒fit爆身材，更加做埋瑜伽導師，令她廣受關注，前年嫁銀行高層翟德彥做埋人妻，去年誕下得意米之蓮囝囝「伯伯」，更令她人生逆轉。
其實早在12年，Coffee已考獲國際認可的瑜伽導師專業資格，近年她全力發展瑜伽事業，由於身材長年有睇頭，產後十日便成功收身，加上她經常在網上示範瑜伽大顯身手，同網友分享運動與健美心得，為她吸盡人氣，成功洗底成為唔少師奶及OL追捧偶像，開班授徒客路大增，每次開堂極速爆滿，團體班要500元一堂，個別教授更高達2,000元一小時，後來更成為圈中藝人如胡杏兒的私人教練，賺錢能力今時唔同往日！
運動頻道有百萬訂閱囝囝老公助陣
不過，近月受新冠肺炎疫情影響，瑜伽班全面停課，加上近日政府立法「限聚令」，瑜伽班復課遙遙無期，以往真身落場上堂及網上開班多線發展的她，兩個月以來，便轉型全力網教，在個人社交網密集式出post，拉埋老公及囝囝落場幫手做示範，一家三口吸客。據知情者透露：「Coffee大肚時喺網上大玩高難度動作，令班師奶同OL睇到嘩然，令佢響晒朶，囝囝出世之後，成功洗底，每次同囝囝一齊出鏡特別受歡迎，爆發肺炎疫情，佢好快已經轉型，實行全力網上出Po，仲拉埋老公囝囝落場，佢喺YouTube嘅運動頻道，有近百萬訂閱，好多廣告商睇中佢形象健康，由服裝、電器、入廚用具等都落廣告喺佢度，囝囝仲有童裝贊助，只要佢喺社交網出個Po就有錢落袋，疫境個個冇工開，叫苦連天，佢可以話賺到笑！」
識得睇準時機，一家三口發放正能量，又抵Coffee狂收Like嘅！
