54歲逆齡李若彤驚現馬甲線微博開埋Live玩教學

CentralEditor_OS

Feb 27 2020

廣告

已故武俠小說泰斗金庸筆下有兩大美女最是清麗脫俗、美貌絕頂、神聖不可侵犯，一個係古墓派小龍女，另一個係神仙姐姐王語嫣，而入行以來同時飾演過呢兩個角色而又被公認最神似嘅只得一個女演員，就係李若彤。

撰文：東方新地、圖片：東方新地/李若彤IG

李若彤驚現馬甲線微博開埋Live玩教學

26年過去，你勢估唔到現時保守估計年過半百嘅李若彤真係神仙姐姐上身，keep住靚keep住fit仲keep住排腹肌同馬甲線㖭！一向勤做運動保養，就算呢期抗疫停工冇得去做gym，李若彤一樣冇鬆懈。早前李若彤自爆將家中空間改造成私家健身室，每日繼續做運動之餘，仲喺微博開埋Live玩教學，教大家如何保持完美線條，同埋細心指導每一個運動細節，到底點做至係正確達到最佳效果！

當年嘅姑姑小龍女同神仙姐姐王語嫣如今已年過半百，不過依然fit到漏。

喪操日子有功，唔止手瓜起𦟌小蠻腰仲喺度，仲操出完美馬甲線，線條靚過唔少後生女。

抗疫冇得去做gym，李若彤索性改裝自家健身室，仲日日開Live教粉絲做運動操身材。

天生麗質又勤做運動，就算素顏都靚過人！

點解李若彤講嘅要聽？因為最佳成功人辦就喺你面前！長期運動操fit結合健康飲食，年過半百嘅李若彤肌膚依然白滑又緊緻，四肢纖瘦腹平如鏡，尤其小腹馬甲線同腹肌最突顯平時操練嘅恒心，難怪網友盛讚佢嘅體態猶如少女，甚至仲好過好多後生女㖭！

無論運動look定盛裝打扮一樣咁索，樣貌凍齡連上圍都違反地心吸力保持堅挺。

神仙姐姐對自己凍齡有術明顯非常自豪，更摷番25年前劇照同依家對比，拼埋睇又真係分別不大。

關鍵詞