41歲楊思琦神秘老公唔見人 帶B仔影全家福得三個人

娛聞
東方新地

廣告

41歲楊思琦去年10月驚爆又大肚，兼已跟圈外男友喺外地註冊結婚，今年2月誕下囝囝「 豬豬 」同囡囡 Krystal 湊成個「 好 」字。日前思琦帶同 B 仔及 Krystal 一齊影輯家庭相，唯獨神秘老公依然冇影未有現身！

撰文、圖片：東方新地

楊思琦神秘老公唔見人 帶B仔影「全家福」得三個人

著上通花白裙嘅思琦，為囝囝襯出多個造型，同樣著上白色衫仔，全套母子裝上陣。對於近日新冠肺炎肆虐，思琦亦有擔心帶 BB 外出有風險：「 有擔心㗎，始終 BB 咁細個，但好想同佢影吓啲啱啱出世嘅相，實在好難得，BB 每日都有好多唔同變化，好想影吓佢個 BB 仔樣，等佢第日大個可以睇番。」

楊思琦帶 B仔影初生寫真，希望記錄囝囝不同時期嘅樣貌。
楊思琦帶 B仔影初生寫真，希望記錄囝囝不同時期嘅樣貌。
大女Krystal亦有同行影家庭照，唯獨神秘老公依然冇影未有現身。
大女Krystal亦有同行影家庭照，唯獨神秘老公依然冇影未有現身。

攝影隊伍嚴陣以待 囝囝瞓足全程冇醒過

思琦仲話攝影隊伍嚴陣以待，事先將影樓消毒，在場工作人員亦全部戴上口罩，令佢非常放心：「 之前家姐唔喺香港出世，未有機會影呢啲初生寫真，細佬喺香港出世就方便好多，容易安排，我陀緊佢時已好想等佢出世同佢影輯 BB 仔靚相，終於同佢影咗，效果好滿意。」思琦笑指囝囝瞓足全程冇醒過，好鬼歎！

抱住囝囝嘅思琦笑得好冧，母愛氾濫。
抱住囝囝嘅思琦笑得好冧，母愛氾濫。
攝影師安排一張舒適嘅床仔畀「豬豬」，而「豬豬」亦瞓足全程，好疏肝！
攝影師安排一張舒適嘅床仔畀「豬豬」，而「豬豬」亦瞓足全程，好疏肝！
Krystal好錫細佬，會同媽媽爭住抱BB。
Krystal好錫細佬，會同媽媽爭住抱BB。
思琦指現場一直開住暖氣，又有多位哥哥姐姐招呼囝囝，令佢影得好安心。
思琦指現場一直開住暖氣，又有多位哥哥姐姐招呼囝囝，令佢影得好安心。

隱形老公靠唔住 苦陀第二胎時從未出現

唔好話影全家褔唔見人，其實一月時本刊已經拍到思琦妹一個人苦陀BB兼湊女，老公全程隱形。上一胎被吳帥𡁻完鬆，思琦深知外界對BB生父身份一定非常關注，她透露去年年中已跟圈外男友於外地秘密結婚，懷孕是一早計劃好的事，她說：「另一半係圈外人，所以想低調，保護大家嘅感情，而且怕BB小器，所以一直打算順其自然，依家可以同大家分享呢個開心嘅消息喇 ﹗」思琦更表示丈夫是在香港生活的中國人，雙方經朋友介紹認識，拍拖半年才結婚。不過每當談到老公背景，思琦都三緘其口，聲言想留一點私隱，故未有計劃公開。

宣布懷第二胎後，思琦每次出席公開場合都表現到很幸福很開心的樣子，不過老公身份就成謎，真相真係得佢知。
宣布懷第二胎後，思琦每次出席公開場合都表現到很幸福很開心的樣子，不過老公身份就成謎，真相真係得佢知。
思琦與李泳豪愛情長跑 9 年，卻在 11 年戀上前港 隊跳水運動員吳帥而變心，見光後吳帥被指是空心老倌，思琦遇人不淑，可惜已珠胎暗結。
思琦與李泳豪愛情長跑 9 年，卻在 11 年戀上前港 隊跳水運動員吳帥而變心，見光後吳帥被指是空心老倌，思琦遇人不淑，可惜已珠胎暗結。

思琦妹表示好幸福 但隱形老公從未現身

向來報喜不報憂的思琦，強調婚後才懷孕，對口中的老公讚不 絕口：「老公對我好好，用心愛我，同大女都夾，因為佢都鍾意小 朋友，相處得好好。」思琦話囡囡卓穎現時仍叫後父的名字做稱呼，不過遲些就會改口。突然大肚兼有老公，思琦堅稱已註冊但未擺酒，奇就奇在從來冇 人見過她口中的中國人老公，據知情者透露：「上一次就話畀人呃恨錯難返，思琦一意孤行生女自己養，查實呢幾年佢不知幾咁辛苦，既要搵錢供樓養家，仲要照顧個女，因為卓穎太好動，所以唔適合讀傳統學校，思琦幫佢轉去國際學校，個個月淨學費都過萬蚊，真係有苦自己知。今次再大肚，佢對外話已經結婚有老公，但身邊朋友都從來冇人見過呢個男人，就算思琦去產檢都冇出現，每次都係思琦媽同卓穎陪佢去，兩次生B都冇個男人喺身邊陪住，佢把口講到個男人幾咁愛佢對佢幾好都係得個講字。」

去年9 月在首爾街頭為ViuTV拍新節目《親善小姐》外景，被網民偷拍了她腹部隆起的照 片，不過思琦在社交網上貼同一件衫的相片，「大肚」卻突然失蹤，之後她去了湖北 的襄陽出席活動，身穿紅黑橫間鬆身衫一心遮掩身材，但卻肚凸凸現晒形。
去年9 月在首爾街頭為ViuTV拍新節目《親善小姐》外景，被網民偷拍了她腹部隆起的照 片，不過思琦在社交網上貼同一件衫的相片，「大肚」卻突然失蹤，之後她去了湖北 的襄陽出席活動，身穿紅黑橫間鬆身衫一心遮掩身材，但卻肚凸凸現晒形。
個肚愈來愈大，鬆身衫亦包唔住，思琦迫於無奈在IG發帖報喜：「開心和大家講個好消息，我已經搵到我嘅愛的森林，希望大家祝福我！」
個肚愈來愈大，鬆身衫亦包唔住，思琦迫於無奈在IG發帖報喜：「開心和大家講個好消息，我已經搵到我嘅愛的森林，希望大家祝福我！」

錫女錫到燶 挺大肚親自接放學有苦自己知

生B咁大件事，思琦老公卻可以置身事外，不過孕婦覺得冇問題，仲感到好幸福。要供樓要養女仲有即將出世的第二胎，思琦永不言休，下個 月生得的她日前與楊母一齊去接卓穎放學，現場所見，思琦個肚大得很，行路已十分緩慢。

這日思琦親自揸車接女。
這日思琦親自揸車接女。
然後到連鎖快餐店買漢堡包醫肚。
然後到連鎖快餐店買漢堡包醫肚。
雖然有母親幫手，但思琦為爭取母女相處時間，平時盡量會親力親為湊女，早前又見陀住巨肚的她接女放學。
雖然有母親幫手，但思琦為爭取母女相處時間，平時盡量會親力親為湊女，早前又見陀住巨肚的她接女放學。
思琦自小培育 女兒卓穎多才多藝，這日放學即去學小提琴，之後更要去補習，看來思琦都是虎媽。
思琦自小培育 女兒卓穎多才多藝，這日放學即去學小提琴，之後更要去補習，看來思琦都是虎媽。

上個月仍親自揸車接女放學的她，司機一職終由楊父代勞， 可能陀B搞到周身痛，思琦面色麻麻，踏入 2020年，她更患上重感冒，大住肚仲咁辛苦，真係有苦自己知。其實一個女人幸唔幸福有樣睇，幸福係要晒㗎！

這日見陀住八個月大肚的思琦湊女都係愁眉不展，而且面色都麻麻，她表示陀第二胎令她腰部舊患、尾龍骨及膝蓋受壓，所以時常感疲倦和痛楚，現在行路都不能太快。
這日見陀住八個月大肚的思琦湊女都係愁眉不展，而且面色都麻麻，她表示陀第二胎令她腰部舊患、尾龍骨及膝蓋受壓，所以時常感疲倦和痛楚，現在行路都不能太快。
日前楊思琦包到冚到女兒卓穎的學校接放學，手腳仍然纖幼的思琦有母親傍實，行得非常緩慢，又捉實媽媽手腕借 力。
日前楊思琦包到冚到女兒卓穎的學校接放學，手腳仍然纖幼的思琦有母親傍實，行得非常緩慢，又捉實媽媽手腕借 力。
思琦多年來在情路上雖坎坷，幸有楊母無私付出，一直在旁扶持同行。
思琦多年來在情路上雖坎坷，幸有楊母無私付出，一直在旁扶持同行。
思琦囡囡卓穎轉眼已七歲，在國際學校讀小學，見她放學時一馬當先跑在母親及婆婆前面，拿著書本不停跳動，非常活躍。
思琦囡囡卓穎轉眼已七歲，在國際學校讀小學，見她放學時一馬當先跑在母親及婆婆前面，拿著書本不停跳動，非常活躍。
思琦老公唔見影，好彩仲有父母做最強後盾。
思琦老公唔見影，好彩仲有父母做最強後盾。
這日由楊父做司機，楊母則一人拎兩個大袋(包括卓穎個書包)，減輕大肚思琦的負擔。
這日由楊父做司機，楊母則一人拎兩個大袋(包括卓穎個書包)，減輕大肚思琦的負擔。

關鍵詞
楊思琦

熱門文章