41歲楊思琦愛情路上多波折 多段感情只結果不開花
撰文、圖片：東方新地
楊思琦為錢放棄9年情 與李泳豪一家反面
2011年，當時32歲楊思琦和31歲李泳豪拍拖9年，萬眾期待二人開花結果之時，楊思琦單方面高調宣布情盡，消息比結婚更震撼，大家揣測分手原因之際，思琦被揭暗交前跳水隊隊員兼「北京富商」吳帥，後又有突破性發展，思琦已懷有兩個多月身孕，當時思琦與李泳豪一家連番罵戰，震撼一時！
愛錯「空心老倌」吳帥 做單親媽媽獨力湊女
以為可以做闊大，點知吳帥被踢爆只是空心老倌，更欠債累累。遇人不淑的楊思琦，最終人又冇錢又得唔到，一度柄埋洛杉機待產生B，直至誕下女兒才返港，女兒跟思琦姓，姓楊名卓穎，自此思琦疊埋心水，與母獨力湊大囡囡。
愛上前男友吳帥兄弟新歡俞越融入家中
撇甩空心老倌吳帥，雖然思琦曾被傳有富商男友照顧，但今日再有突破性發展，有報道指她搭上前男友吳帥的好朋友、前國家跳水隊隊員俞越，年約39歲的俞越，曾與跳水皇后郭晶晶傳緋聞，當年經吳帥認識楊思琦，當年思琦被指移情吳帥並未婚懷孕，俞越多番出面力撐思琦，曾謂：「以前我哋三個人(吳帥、思琦及俞越)行得好埋， 吳帥有話俾我知佢好鍾意思琦，唔知佢有冇表白，後來佢知道思琦有豪仔，所以冇行動。」而思琦被指一腳踏兩船，俞越依然盲撐「沒這件事」，又為思琦力數豪仔不是：「搽晒粉做晒大龍鳳嚟數一個女仔，一啲都冇受過高等教育嘅人，呢個唔係電視劇，或者佢冇乜機會上鏡，所以做啲嘢可以上鏡。」及後本刊曾拍得思琦與母兄及俞越四人行飲茶，更有指俞越早已融入楊家，在思琦的清水灣半島寓所出入，現爆出俞越暗戀思琦多年，可見現在正是收成時！
第二胎經手人成謎 思琦妹嫁隱形老公
去年10月驚爆又大肚，今次仲耐人尋味， 他坦言去年年中已跟圈外拍拖半年男友在外地註冊閃婚，只肯 透露老公是在香港生活的中國人，姓乜名乜全部保密。但孕婦終須見家翁，上一胎被吳帥𡁻完鬆，思琦深知外界對BB生父身份一定非 常關注，她透露去年年中已跟圈外男友於外地秘密結婚，懷孕是一早計劃好的事，她說：「另一半係圈外人，所以想低調，保護大家嘅感情，而且怕BB小器，所以一直打算順其自然，依家可以同大家分享呢個開心嘅消息喇 ﹗」思琦更表示丈夫是在香港生活的中國人，雙方經朋友介紹認識，拍拖半年才結婚。不過每當談到老公背景，思琦都三緘其口，聲言想留一點私隱，故未有計劃公開。究竟神秘老公係咪真係存在，真相真係得思琦妹知。
