38歲胡定欣半裸力壓40歲Deep V 胡杏兒馬爾代夫旅行大晒水著照

Dec 16 2019

要數大台最搶眼女藝人，「胡說八道會」一班好姊妹總係唔會令人失望。前排胡杏兒、胡定欣、姚子羚、胡蓓蔚、李施嬅去咗馬爾代夫旅行，靚相一浪接一浪，最近一批水著照曝光，幾位花旦身材絕對唔輸蝕俾一班後生女啊！

撰文、圖片：東方新地

胡定欣辛苦keep fit有成果半裸上身露半球

要享受陽光與海灘，唔一定孖honey去至開心，同一班閨密姊妹組團去一樣咁正！好似「胡說八道會」一班好姊妹胡杏兒、胡定欣、姚子羚、胡蓓蔚、李施嬅，近日難得相約到馬爾代夫旅行，全程吃喝玩樂勁開心，又派福利大晒水著照，胡定欣更大解放半裸上身露半球，擺明show off晒命！

戴上太陽帽嘅定欣，半裸上身望向大海，盡顯曲線相當火辣，定欣喺IG還附上留言：「平時keep得咁辛苦，呢張相係要影嘅！」擺明show off！而好姊妹胡杏兒亦以deep V 泳衣上陣大騷長腿，雖然冇定欣咁激，但作為兩子之母，仲keep得咁fit，係索嘅！

關鍵詞