35歲羅鈞滿北漂失敗未有工開回流返港有北方同胞味

Dec 22 2019

近年唔少藝人離開無綫北上，希望闖出一片天，羅鈞滿就係其中一員，不過佢無其他人咁好彩，3年嚟發展平平，上個月回流返港簽約新公司，不過就未有工開，無見一排佬味重咗，唔知之後會做咩角色呢？

撰文、圖片：東方新地

羅鈞滿北上闖蕩未如理想回流返港無工開

2016年約滿無綫北上闖蕩，3年來羅鈞滿都拍過幾套內地劇同網絡電影，可惜回響不如預期，原來人仔都唔係想像中咁易賺。好彩兜兜轉轉上月宣布簽約邵氏成為旗下藝人，不過就未見佢有新工作動向公布住，除咗遊山玩水接連出埠旅行，仲見到佢好得閒咁一支公喺尖沙咀出現。

35歲仔，北上一輪佬味重咗，腋下挾住個袋帶點北方同胞味，著上白色上衣襯睡褲款間條長褲，但又無喇喇搭對啡色牛津皮鞋。呢身造型嚟講，只能夠講句，fashion嘅嘢八姨太識條鐵咩？

關鍵詞