28歲陳偉琪晒36E朱古力奶為「這輩子最愛的男人」慶生

Apr 22 2020

要數無綫處境劇《愛‧回家之開心速遞》中最性感嘅女藝人，一定非「細龍太」陳偉琪莫屬。喺外國長大鬼妹仔性格，平日衣著打扮都比較open，陳偉琪仲不時喺IG開心share佢嘅性感水著look，有胸有腿大晒天賦本錢！

撰文、圖片：東方新地

陳偉琪晒36E朱古力奶為富爸爸慶生

日前陳爸爸生日，陳偉琪慣例性感上陣，著上黑白波點配上大蝴蝶結短裙贈興，古銅色肌膚低胸谷出36E朱古力奶，非常養眼！陳偉琪賣口乖狂讚爸爸好靚仔，又指爸爸係佢嘅「superhero」：「這輩子我最愛的男人，生日快樂！愈大個女愈明白爸爸的沉默，爸爸的愛不是開口埋口說愛你，是用行動證明，願意一輩子養你，照顧你，用自己能力給你最好的承諾。試問有多少人做得到？」能夠承諾養足一世，真係唔簡單㗎，陳偉琪慶幸有個富爸爸，仲要係家中獨女，由細到大要乜有乜，真係幸福到爆！

著上黑白波點短裙谷出36E朱古力奶，加上天氣炎熱不斷流汗，令朱古力波更「立立令」！

有腦有身材異性緣旺喜到處留情

無綫處境劇《愛．回家之開心速遞》孕育出不少讓觀眾留下深刻印象的角色，由陳偉琪（Vicky）飾演的「細龍太」雷珍妮是其中一個，在加拿大出世的陳偉琪，為人豪邁不拘小節，喜愛夜蒲飲酒會友，異性緣超旺！或者大部份人都會聚焦在她的身材上，但事實上她並非「胸大無腦」之人，除了學歷高，還多才多藝，絕不能看輕！

28歲陳偉琪喺加拿大出世，於卑詩省大學主修政治系，入行前志願做律師，有樣有學歷有家底，係人生勝利組。

陳偉琪做高招女玩家

出道近七年的陳偉琪異性緣相當強勁，原本已有位傳足三年的健身教練兼老闆男友Billy Tam，兩人多次在公開場合被影到拍拖行街街。不過陳偉琪去年8月被拍到與髮型師Ryan約會，喝了幾杯香檳後爛醉如泥，公然繑住Ryan前往他的髮型屋，最後竟驚動Billy善後，親自揸車接女朋友回家。早前陳偉琪也被影到與無綫奀星方紹聰（奶仔）齊齊去數碼港放狗，事後例牌否認拍拖，但承認有人展開了猛烈追求攻勢，不過她揚言一日未結婚，所有男士都有機會。

《愛．回家之開心速遞》令飾演「細龍太」的陳偉琪成功彈起，劇中的她經常鬧「細龍生」鄭世豪是「廢柴老公」，眾演員日見夜見，私底下感情甚好，經常約埋食飯。

28歲的陳偉琪似乎是女玩家，根本不會為一棵樹放棄整個森林，據知情者透露：「Vicky（陳偉琪）身邊大把觀音兵，日日換仔都仲得，一日未玩夠都唔會公開認定，拖吓手錫吓嗰啲都好小兒科，唔會係男友囉！佢覺得自己係鬼妹，唔應該畀個框框住，總之想做就去做，開心就得，即使醉駕咁大件事，佢都係認完錯就算，要佢戒酒？飲少啲都未必得啦！」鍾意媾仔性格豪放呢啲屬於私人事，雖然會影響形象，但鬼妹仔陳偉琪未驚過，不過保釋期間仲飲酒、疫症爆發期間仲飲酒，係可以引發好多嚴重嘅事。青春同有錢就是任性，有家底嘅陳偉琪中晒兩樣，佢除咗需要戒酒之外，睇嚟都要戒埋任性。