27歲歐鎧淳移情別戀轉性向 胡子彤避談前度心情未平伏
廣告
都2020年，咩時代呢？攣又好直又好，love is love，勇敢愛就值得被祝福！不過一邊祝福，一 邊都因為過往歐鎧淳同胡子彤外形太相襯曾經太甜蜜，八姨太始終都因為事情來得太突然而覺得惋惜。更何況歐鎧淳失驚無神咀嘴女籃球員前冇耐，至撞見到佢同舊愛胡子彤恩愛撐枱腳呢！
撰文、圖片：東方新地
歐鎧淳、胡子彤冰室拍拖醫肚邊講邊笑最後恩愛
真係話分就分事前一啲預兆都冇，一向高調拍拖、形影皆雙，驚爆分手前冇耐，先見到歐鎧淳同胡子彤一齊去冰室拍拖醫肚。兩個坐埋一邊黐到實一實，你一言我一語一邊講一邊笑，有默契甜 到漏咁樣，邊估到唔夠兩個月，女方就移情別戀仲轉埋性向㖭！
歐鎧淳IG宣布分手 移情別戀轉性向
同甲一女籃球員倪碧賢爆出「SheShe」戀情後，歐鎧淳喺IG宣布同拍拖三年嘅胡子彤已分手一段時間。爆出已移情同性籃球員後出席活動嘅歐鎧淳看來心情不俗，未有正面回應感情事，但指 2019年「有好有壞」來形容，默認已投入新戀情。
胡子彤未敢同舊愛聯絡 預備去旅行散心
上周四(9日)胡子彤出席ViuTV新劇探班時承認已經冇同舊愛聯絡，更大方送上祝福：「知道佢要集訓準備奧運比賽，希望佢有好成績，祝福佢開心。」失戀嘅胡子彤心情明顯未平伏，更直言未敢聯絡舊愛，又不停迴避談及前度，並轉移話題話會留港同家人過農曆新年，之後想去旅行沉澱一下。
