27歲吳若希屋邨妹脫貧記 搭上地產猛人「十哥」收豪宅做小富婆
撰文、圖片：東方新地
同吳若希冧掂十哥獲豪宅 億萬地產猛人林棣權起底
十哥林棣權家族是林裘謀後人，家族是老牌地產發展商，家族經營的聯益建造有限公司在港超過百年歷史，林氏家族近年活躍於買地，13年新世界及有關人士以3.05億元，向和黃購入 灣仔互信大廈地段，根據土地登記資料，買家包括鄭家純及林氏兄弟等。
15年有傳吳若希獲地產界猛人十哥林棣權關照，升呢由公屋搬到月租4萬的何文田豪宅君頤峰，出入亦由揸40萬BENZ幾級跳到200萬波子， 富貴逼人，全靠冧得掂大叔。
15 年 3 月吳若希母親因單車意外入院，有傳十哥也有出手幫助，吳若希亦坦言十哥有主動問候，患難見真情。 19 歲出道搵錢養家的吳若希，婚前與母親及年幼的細佬住在何文田豪宅，現在因囡囡 Giselle 在港讀書，繼續與母同住。
吳若希有十哥唔心足 釣金龜睇中澳門闊少Alex
有十哥關照之餘，吳若希亦尋找真愛，16年認識在澳門做代理洋酒生意及辦網上團購、兼入股某眼鏡品牌的Alex，摸清男方家底後吳若希咬住唔放，拍拖冇耐已逼婚，高調拍拖外遊 之後，又宣布分手，不過最後卻戲劇性因大肚而嫁去澳門。
吳若希為仔棄十哥 男方為女與多年好友疏遠
至於對吳若希甚為愛錫的十哥，亦因此而心傷，據知情者透 露：「十哥份人有情有義，幫人從來唔望回報，不過Jinny(吳若希)碼實闊少後即起十哥飛腳，激到十哥閂水喉兼斬纜，十哥 一班圈中好友亦戥佢唔抵，包括Chilam靚靚等，因為當年佢哋都反對兩人交往，不過感情至上嘅十哥堅持同細姪女保持聯絡，寧願同相交多年嘅好友疏遠，睇清真相有人過橋抽板，十哥都好傷心。」
