24歲陳欣茵校花升呢是非精 理大「內衣設計」畢業生男友係人氣Youtuber!
廣告
一向盛產女神、又係小花入屋最佳捷徑嘅無綫綜藝節目《學是學非》,基本上年年換陣容、輯輯有新血,今年播出嘅第七輯本來繼麥美恩、馮盈盈、張寶兒、劉穎鏇、鄺潔楹、何依婷後,已經再加入何泳芍、陳詩欣同戴祖儀三位新主持,點知都仲未夠喉,近日再有新面孔陳欣茵登場,一於湊夠十位「是非精」。
撰文、圖片:東方新地
陳欣茵素人大學生升呢做「是非精」
24歲女青春無敵、眼大大夠精靈、再加埋嗲聲嗲氣,欣茵一出場即晚就被網友熱議。雖然評論兩極,有人讚嬌小玲瓏又好靚女,亦有人彈缺乏特色表演生硬,不過由素人大學生到加入《後生仔傾吓偈》到正式成為主持之一,都係短短兩年時間,寬容啲畀啲時間欣茵進步好唔好?
理大「內衣設計」畢業生IG大派福利
陳欣茵未選過港姐、未讀過藝訓班,曾登上「Yes校花校草」,兩年前喺理工大學應用科學及紡織學院紡織及製衣學系(內衣設計)畢業後,至被無綫邀請擔任Big Big Channel主持及《後生仔傾吓偈》意見領袖,資歷尚淺,仲有無限進步空間。不過最緊要樣靚身材好又夠大方,個人IG有唔少水著晒身材福利圖,極有潛力值得栽培!
網民極速起底男友是人氣Youtuber
人紅自然多是非,不過陳欣茵未紅就已經得到一班網民關注,有不少理大生爆料,指外表清純的她原來「食過唔少仔」,有不少負評。更有網民起底發現她原來就是人氣Youtuber「熊仔頭」的女朋友,網民對比二人IG story的內容、地點及時間,不但發現她們的情侶關係,更指兩人已一同去過旅行,似乎感情不錯。