24歲周嘉洛緋聞絕緣體 拖母晒愛又慳家超乖仔
廣告
自從升呢做「最佳男配角」，周嘉洛成為《愛．回家之開心速遞》的台柱兼吉祥物，雖然劇中角色是典型廢青，現實中的周嘉 洛卻是個有理想的正男（正氣暖男），似足馬明純品正直，同樣實而不華愛母至上。
撰文、圖片：東方新地
緋聞絕緣體孝順仔拖實阿媽去街
被無綫力捧做馬明第二的周嘉洛，與 馬明實在有很多相同之處，而且全部都是優 點。馬明被封宅男，緋聞唔多從來不喜愛夜 蒲，生活健康與家人同住，除工作以外唯一 嗜好就是踢波，多次被影到拖實阿媽去街，早前封視帝更買名牌手袋孝順母親大 人。周嘉洛入行唔夠五年，零緋聞零負面新聞，拍劇以外的社交活動離不開相約同劇好 友行山做運動，本刊記者亦曾撞見他與同性友人食飯，24歲仔唔急拍拖亦冇周圍花弗識女仔，與家人同住將軍澳居屋，不時拖住媽咪手在社交網自拍，好仔到加零一。
把握上位黃金機會短期內不考慮拍拖
當紮的周嘉洛無負青春把握上位的黃金機會，最近忙拍《愛．回家》，每日屋企、電視城兩邊走，日前本刊記者野生捕獲周嘉洛放工收廠，竟然踢拖返屋企，慳家的他更在無綫乘免費廠巴再轉港鐵，返回其位於將軍澳的居屋寓所。
據知周嘉洛性格開朗為人風趣幽默，身邊雖然有不少異性好 友，但全部都不過電，而他為了向上爬不想受到感情事阻礙，短期內都不考慮拍 拖，知情者說：「未攞獎時大家都當嘉洛係𡃁仔，班小花亦未必睇得佢上眼，依家唔同晒，嘉洛變咗潛質股，前途無可限量，開始有唔少女想埋身，不過佢份人好有定力，上位最緊要，唔係咁易動搖。」同單身筍盤馬明一樣，依家不知有幾多人想食嘉洛肉，揀女朋友要記緊帶眼識人，馬明有辦你睇，揀著個姣心穎真係後患無窮。
