公開龔嘉欣3招擁小蠻腰秘訣 狂晒23吋腰泳照！
公開龔嘉欣3招擁小蠻腰秘訣
話說當日龔嘉欣去到夏威夷進行拍攝，之後更喺個人社交網罕有上載索爆泳照，大派福利！雖然著上一件頭，但兩邊開大窿嘅嘉欣就露出23吋小蠻腰，令唔少女網民都非常羨慕！
3招擁小蠻腰
龔嘉欣入行至今身材一直弗爆，不時會喺個人社交網post出泳照同做運動嘅相。其實龔嘉欣曾為拍劇集《殺手》而加緊操練勤於健身，見佢於健身室必做收腹提腿、 V 形收腹、 短距離仰卧起坐持球平衡訓練及持球平衡訓練。
嘉欣更曾透露指自己會四組動作接住做，每組做 10-15下，強調每日重複做、持之以恆就一定會見到成果，並以「no pain, no gain」鼓勵大家要堅持先會練到有腹肌和馬甲線！
多飲湯水
而且，嘉欣平日亦愛於屋企煲湯，更分享個人心得指煲湯要配合自己當時身體狀況及天氣，例如天氣乾燥時就喝較潤嘅木瓜雪耳，冬天則露煲粉葛，如果唔係就會有反效果。
經常排毒
另外，嘉欣亦曾於訪問中表示女生一定要多做淋巴排毒，皆因每日由屋企出門起已經會有好多塵埃，如果唔好好清理，就會積聚喺毛孔，從而令皮膚變差。
佢更提醒大家，女生落粧要徹底，更以自己為例指自己每晚都洗面至冇半絲粉底先會瞓教，唔怪得嘉欣啲皮膚咁白滑，原來日常會做足徹底清潔功夫！
即時回顧：
龔嘉欣 打女上身求突破
拍新劇《殺手》，龔嘉欣豁出去唔再做乖乖女，角色要頭髮 剷青，身上有紋身，更大部分時間著小背心加魚網絲襪，造型 性感豪放，不過，最大挑戰唔係谷胸做豪邁殺手，反而係平日 柔弱斯文的她，要連場真打搞到周身瘀傷，幾乎日日要靠鎮痛 貼止痛，早前更因拍攝動作戲連環受傷，手指筋撕裂及大腿受 傷縫針，拍攝吃盡苦頭，但龔嘉欣卻十分enjoy。
據知情者透 露：「佢第一次做打女，初時真係好吃力，而且嗰身性感造型 佢都唔太習慣，不過，每次拍完睇番playback，佢就覺得幾辛 苦都值得，而且今年係佢入行十周年，佢覺得好難得監製肯畀 佢做咁有突破嘅角色！反而最唔好意思，係自己成日唔小心打 到對手，好似黎耀祥咁，都畀佢錯手打到好多次！」
即刻入戲
第一次同視帝 黎耀祥拍劇的龔嘉欣，呢日呢場踩臨記下體戲，要多得祥哥教路先成事！
拍完勁High
拍完嘉欣仲勁Hyper，開心跳起狂笑！
拍完好興奮
日前，龔嘉欣同視帝拍住出外景，約晚上八時許，兩 人在中環蘭桂坊一個偏僻公園取景，當晚嘉欣又以性感小 背心谷胸晒腹肌，打扮野性的她同黎耀祥企埋一邊傾 偈，等工作人員set燈，大概九時許，嘉欣終於埋位拍攝同 臨時演員對打廝殺場面，只見攞住刀的嘉欣拳來腳往，睇嚟 真係落咗唔少苦功練習，不過呢場戲唔止要佢大展身手，重點 係要佢起腳踩臨記下體先完事，但拍完一take，導演似乎唔 太滿意，此時，企在一邊的視帝黎耀祥即親身落場教路，傳 授嘉欣秘技，祥哥認真到擘開臨時演員對腳，指點嘉欣踢的 位置，又教臨時演員被踢時要有腳震震效果，似乎相當熟 行，得視帝教戲，嘉欣亦好快學到嘢，拍完更Hyper到跳 起，睇佢反應，今次拍到視帝開工，先係佢最大收穫！
視帝出手
當晚龔嘉欣要拍攝一場踩臨時演員下體戲，似乎冇經驗捉唔到路，拍完一 take ，導演唔太滿意，身旁的三屆視帝黎耀 祥，即出手親身教路，更用手移開臨時演員對腳，示範點踩效果最好。
出腳示範
視帝果然好認真，仲親身示範，嘉欣真係獲益良多！
跟住做
喺祥哥指導下，嘉欣好快就捉到路，即刻入戲！
狂操馬甲線
劇中大部分時間要著性感背心，龔嘉欣除了節食亦狂操馬甲線及腹肌，身形愈拍愈fit ，不過講到最開心，都係同三屆視帝黎耀祥有勁多對手戲。
雖然年齡相差廿幾年，黎耀祥、龔嘉欣 未埋位都好啱傾，祥哥還攞自己手機同 嘉欣分享。
龔嘉欣睇playback 時都好滿意效果。
傷痕纍纍
首次做打女的龔嘉欣，打到周身 瘀傷已是家常便飯，她曾在lGpo 出背上貼滿鎮痛貼的相片，清楚可見右手臂還有瘀痕！
最新一傷，係 大腿受傷要縫 三針!
龔嘉欣在無綫十年，雖然大都做配角，但亦有唔少發揮， 16年就憑《幕後玩家》演失婚崩潰老婆成功奪得《萬千星輝頒 獎典禮》「最佳女配角」。
龔嘉欣大變身 操Fit做女殺手哂身材
近年龔嘉欣發展順利，每年都會喺無綫重頭劇度有份演出。但多年以來，Katy都係行開氣質靚女路線，今次為咗拍戲大變身，頭髮剷青、手臂紋身、性感背心再加上漁網襪，一開始幾乎唔認得佢！嘉欣指今次要剷青佢都唔係好接受到，不過做演員就係要嘗試唔同事情！
嘉欣仲要密密操練體能，皆因劇中有唔少動作場面需要應付！
畀黎耀祥揸胸16次
嘉欣喺劇中有連番動作場面，其中同三屆視帝黎耀祥(祥仔)有唔少對手戲，呢晚兩人喺街上拍攝一場打鬥戲，拳拳到肉，睇見都痛！
嘉欣表示喺劇中長時間都要露腰露腿，所以努力練緊馬甲線及腹肌，不過就話拍攝經常唔小心整親祥仔，覺得好對唔住對方呀！
呢個時候嘉欣講咗句：「我係一個專業嘅演員，祥哥放心！」結果呢個前前後後、不同角度，一共拍咗16 Take！事後嘉欣仲搞笑話雖然唔可以奪走祥仔螢幕初吻，不過奪走咗……唔識講。
《殺手》角色造型逐個睇
TVB新劇《殺手》卡士強勁，一眾主要角色包括黎耀祥、陳豪、李佳芯、龔嘉欣、江美儀等，仲要唔少演員的造型都相當搶眼，令人期待！下文逐一睇睇各演員今次搞乜鬼～
型佬陳豪 vs 麻甩佬祥仔
羅蘭姐 西裝骨骨
羅蘭姐一身直間西裝造型，甚有中性美亦不失高貴！
高海寧 一樣咁靚
同其他演員相比，高Ling個造型正常到不得了，依舊咁靚女，但其實佢會唔會想破格啲呢？
江美儀 護士裝鳳姐
開始嚟料啦，見到46歲江美儀一身粉紅色護士裝現身，下身配埋漁網絲襪及高踭鞋，真係少啲定力都搞唔掂！美儀就透露今次係演一名鳳姐，劇中仲會有OL、動漫cosplay等更爆造型！美儀又自爆為演好角色，更特地去訪問真 ·鳳姐，希望演繹得更傳神！
李佳芯 師奶殺手
女主角李佳芯(Ali) 一頭大曲髮及戴上粗框眼鏡示人，雖然師奶味濃，不過露出白滑香肩及修長美腿，女神Ali無論點都係咁靚！小編講嘅！
索爆阿雪 ＆ 男仔頭江嘉敏
何遠東 向陳山聰致敬
麥明詩 挑戰演盲人
樊亦敏 噴血女魔頭
