薛凱琪現少女感覺、陳靜變文青女神！齊抄女星瀏海造型超減齡

撰文、圖片：東方新地

薛凱琪

初出道時大眼甜美人見人愛，眨吓眼其實薛凱琪已經39歲，睇唔出呢？尤其最近變髮剪了瀏海，可愛少女感覺番晒嚟。

陳嘉寶

已經成為兩女之母，陳嘉寶由出道至今嘅齊蔭髮型多年來都冇乜變過。其實眼大大又清純，瀏海又的確最襯 Anjaylia。

陳靜

出道時以天使面孔魔鬼身材稱霸𡃁模界，近日陳靜 DaDa 突然變髮，齊蔭短髮唔止青春啲型格啲，形象由𡃁模變成文青女神。

蔣家旻

睇住馬子妮大，睇住蔣家旻由小女孩到剛剛過了31歲生日變成輕熟女，蔣家旻最近都剪番瀏海，感覺彷似回到過去。

糖妹

本來生得細細粒又有可愛童顏，33歲糖妹面上已經不見歲月痕跡，加上留足多年嘅齊蔭髮型，絕對已經成為糖妹嘅個人標記。

何雁詩

新婚嘅何雁詩近月都愛以瀏海髮型示人，臨嫁前一晚公開童年相，至知人妻原來從小就愛瀏海。