黃依汶為囝囝打造豪華playhouse 巨宅曝光樓梯闊落到有埋滑梯
撰文、圖片：東方新地
黃依汶成功轉型從商又旺夫
講開黃依汶，成功轉型從商更成為本港高端名錶代理高層，2014年嫁人亦夠旺夫，老公陳國坤喺內地影視界撈得掂賺夠人仔，仲自己做埋老闆開製作公司，兩公婆名利雙收自然有大把本錢追求舒適生活。追開黃依汶 IG，大部分都係圍繞住4歲囝囝陳真嘅生活動態，喺屋企唱 K、畫畫、打拳、瀡滑梯、camping，活動多到數之不盡。
豪華playhouse曝光 屋企瀡滑梯、camping無問題
係！大家冇聽錯，的確係喺屋企玩到晒，皆因黃伊汶一家三口所住嘅複式巨宅認真唔嘢少，樓底高到擺到半打1比1超級英雄氣球之餘都仲有上升空間；樓梯又長又闊落足夠行走有凸，仲可以度身訂造並排滑梯畀陳真玩到夠；屋企巨廳閒閒哋請到三五十人開 P仲有位剩，亦可以 set 個私家 playhouse 障礙賽畀囝囝放電；電視大到似私人影院，陳真更擁有個人圖書館、畫室、園藝區，仲成日跟爸爸出大花園 camping 野餐享受日光浴，生活幾咁寫意！不過有錢還有錢，detail 位亦睇得出 Emme 同小龍唔單止用錢打造陳真嘅玩樂空間，亦親力親為陪伴在側從玩樂中學習，為人父母，淨係有錢係唔夠㗎！
