25歲馮盈盈緋聞新歡 28歲爆肌男藝人鄭衍峰
撰文、圖片：東方新地
前男友疑有新歡馮盈盈公開擇偶條件
日前，馮盈盈前男友被傳媒影到與長髮女子同遊下白泥，馮盈盈於當日亦有上載照片到Instagram，一句「GOODBYE for good #goodnight」難免讓網民覺得是對前男友所說的話。
馮盈盈緋聞男友 鄭衍峰爆肌食女神
而日前在節目《後生仔傾吓偈》中，其中有集以「盈盈單身派對」為主題，當中緋聞男友鄭衍峰亦有做嘉賓！當日馮盈盈更公開擇偶條件，包括男友需有幽默感、其次為靚仔，因為盈盈笑說希望自己子女有條件去選港姐或港男。最後則是希望男友有時間陪自己，所以不歡迎事業忙碌的男人，明顯暗示前醫生男友無時間陪她！
馮盈盈主動賣身 加簽長約誓要做一姐
為咗成功上位，馮盈盈拍劇唔介意晒身材甚至演出激情戲，原來仲好識長線投資，17年簽約無綫三年的她，未等到約滿，上年已經主動同無綫加簽長約，認真長情。勝在夠年輕，今年只得25歲的 她，大把青春喺手， 做到約滿都應該未滿 35歲，話唔定到時做埋醫生夫人兼生埋仔，隨時三贏！
谷胸上頸搏到盡 同張頴康濕身激吻
自從當選2016年港姐冠軍，馮盈盈已經瞄準目標進發， 好快已經成為TVB風頭躉，唔單止試過網上爆粗被封「粗口港姐」，主持節目亦言論大膽出位，經常引起網民熱論，近年拍劇亦夠晒博，去年演出《果欄中的江湖大嫂》，演出江湖女 「小狼女」一角，就經常緊身小背心谷胸加熱褲晒長腿，近日在新劇《解決師》更加去到盡，同張頴康浴室濕身激吻肉搏超出位，成功搶fo，因為夠拼搏亦令她成為無綫監製寵 兒。
激嬲男友！浴室激吻去片：
據講馮盈盈係因為呢幕「慾室車輪」辣㷫條仔搞到分咗手： orientalsunday.com.hk/367169/
Posted by 爆片王 on Monday, December 30, 2019
識玩唔走純情路線 語出驚人監製勁鍾意
據知情者透露：「咪睇盈盈平日大癲大肺，其實佢係醒目 女，明知走港姐純情舊路好難出位，就索性做豪放港姐，主 持節目夠晒放，成日都語出驚人，但反而因為咁，網民覺得 佢夠真性情，佢又夠玩得，同佢拍檔嘅男演員亦覺得特別自 在，唔使下下就住就住，都好鍾意同佢合作，加上佢好襟 撈，對住高層同監製，成日都會賣口乖，拍劇又夠博，唔會扭扭擰擰仲話頭醒尾，所以好多監製都肯用佢，好似家豪哥 （TVB製作總監劉家豪），近期開親劇都預重角畀佢！」
Mark實醫生男友愛情事業兩得意
雖然同十優醫生男友鍾文浩打得火熱，馮盈盈更貼埋錢同男友築愛巢同居，並放晒聲氣等做醫生夫人，不過箍到筍盤，她事業野心亦唔細，17年同TVB簽約三年的她，去年還未約滿便主動同無綫加簽長約。
據知情者透露：「雖然做新人嘅人工唔算好高，但只要喺無綫出到位，拍廣告同出活動嘅賺錢機會真係好多，馮盈盈咁識計數，佢梗係知道除笨有精，簽長約都覺得好值得！」三年已經成為力捧小花，識得睇準時機，應該是馮盈盈成功最大策略！
