馬國明自言想演同性戀劇 網民搞笑推薦7大男演員人選！
撰文：東方新地 ｜ 圖片：TVB YouTube截圖、TVB Facebook、藝人Facebook、微博、劇集截圖、新傳媒圖片
馬國明想認真拍HeHe劇集
馬國明與李佳芯出席公開活動，期間馬明表示有意想拍同性戀題材劇集，馬明就話：「我想演同性戀嘅，但我唔係要搞笑果種，而喺認真﹑浪漫果種。我見公司拍嘅同性戀劇都係搞笑類，我想係好正經嘅一套同性戀劇，出嚟嘅感覺喺感人，但唔知公司會唔會拍，因為題材都幾敏感，所以拍到嘅機會又少好多。」聽到馬明咁講，有想睇嘅網民就熱心推舉一系列意想不到嘅人選，當中不少「配搭」令人覺得非常有新鮮感！
推薦hehe男一｜羅莽
網民留言推薦羅莽，TVB官方都回覆：「相當有創意！」66歲的武打演員羅莽聞名海外，推薦羅師父難道是跟他在網絡上的人氣有關？雖然兩人形象相似，戇直正氣，功夫師父搭配天然呆也不失創意，但感覺恐怕會變成搞笑，同馬明想認真拍的願望有出入喎！
推薦hehe男二｜林峯
當年出道不久，林峯跟馬明、吳卓羲、陳鍵鋒、 黃宗澤被譽為「無綫新五虎」，後來只剩馬國明堅守TVB。但是可見二人相識於微時，而林峯早前宣布會重返無綫合作，會否真的有機會呢？
推薦hehe男三｜吳卓羲
有網民推馬國明同期吳卓羲，原因是是年紀相約，外型帥氣，二人更曾一同拍攝《衝上雲霄II》。吳卓羲在2018年出席電影《翠絲》首映禮活動時，透露太久沒有跟馬國明拍劇，提到同馬明講「靚仔咗咁多嘅？同埋個人開朗咗又幽默風趣咗」看來組成兄弟CP都不錯。
推薦hehe男四｜張繼聰
另一位人選就是近年操到大大隻的人夫張繼聰！舊舊堅實的朱古力令女生尖叫、男士羨慕，如果他配上馬明，相信會相當養眼。Kay當年識張繼聰，第一印象就是覺得對方是同性戀，似乎他也頗有潛質勝任這樣的角色！
推薦hehe男五｜陳豪
出名品味咖啡又人稱「師奶殺手」的陳豪（阿Mo），雖然已跟陳茵媺結婚組織家庭，不過依然充滿魅力，越來越有「佬味」。陳豪與馬明年紀相差只有3年，型佬陳豪同馬明都一樣身高183cm，如果組成CP，絕對是Man爆組合！
推薦hehe男六｜陳山聰
2014年陳山聰同馬明曾拍攝無綫新劇《宦海奇官》，二人穿著古裝到海灘拍攝落水戲，天氣雖冷但說拍得開心。加上馬明曾與胡定欣拍拖，陳山聰同胡定欣又係密友，種種加起來令他們關係有點微妙，難怪會成為人選之一。
推薦hehe男七｜吳偉豪
吳偉豪在《愛 · 回家之開心速遞》飾演「朱凌凌」一角受注目，有網民表示有興趣看馬明與他組成一對演師生hehe。以21歲吳偉豪跟45歲的馬明的年齡差，變成小鮮肉X大哥哥的配搭相信另有一番風味。不過吳偉豪跟同劇的金城安（周嘉洛飾）被網民熱推為「安凌CP」，如果馬明介入，可能會引起部分粉絲不滿喇！
