46歲契哥馬國明爆粗護唐詩詠 鬧爆前度寫文「損人利己」

撰文、圖片：東方新地

唐詩詠與馬國明終有機發展 女方舊愛不忿成輸家

馬國明與唐詩詠陰差陽錯十年，終於有機心意相通，早前本刊記者連日斷正馬 明做司機接送唐詩詠外出，二人又一齊甜蜜抗疫外出做運動，唐詩詠更揸馬明車返自己香閨，一架車兩份用，關係盡在不言中，而當外界對這段兄妹情送上祝福的同時，卻有一個人黯然後悔，不忿成為輸家，更撰寫長文暗示與女友玩完，字裡行間暗寸舊女友新歡「烚熟狗頭」，酸味極濃。

馬國明有風度 閱文後爆粗護唐詩詠

被封「最佳女朋友」的唐詩詠，對陳思銘的長文全無反應，只顧沉醉在契哥 馬明的溫柔中，不過出名好脾氣的馬明就不值男方所為。知情者透露：「馬明係一個好有風度嘅男人，睇佢點處理黃心穎偷食事件就知，佢覺得無論點都唔 可以𡁻完唱，睇完篇長文，佢即時爆粗，鬧個作者完全唔識得尊重人，咁樣會 令到出面啲人有無限聯想，絕對係會影響到人，呢個人居心叵測。馬明亦安慰 詩詠唔好唔開心，把口生喺人度，唔需要理會啲無聊人。」

唐詩詠有馬明守護心情未有影響

有契哥馬明守護住，唐詩詠心情未見低落，近日因疫情影響工作清閒，除了約馬明食飯做運動，唐詩詠亦埋頭煲韓劇，最近大熱的《愛的迫降》令她進入 瘋狂追劇狀態，更不時抄足女主角孫藝珍的韓風造型影相放上社交網，馬明想 博紅顏一笑，不妨著軍服扮男主角玄彬，咁樣或許會令詩詠更加歡喜。

唐詩詠與馬明相識逾十年，彼此早已深入了解，過去 半年二人有影皆雙，過時過節都一齊慶祝，合照幾乎都黐 到實，sweet過不少真情侶。