56歲陶大宇無意回巢大台 昔日渣男今變孝順煮飯男

撰文、圖片：東方新地

陶大宇渣男現形記為表孝心考慮再婚

入行36年，陶大宇事業發展絕對稱得上大上大落，而跌到谷底 一役其實又係咎由自取。06年陶大宇因為與郭羨妮合作《學警出更》 一吻定情，元配阿寶先行公布離婚，並直指第三者是郭羨妮。二人亦 因為公司壓力未幾分手，不過其後郭羨妮被捲入電視台四大淫花傳聞 時，男方為保事業急割席，更句句有骨踩多腳「佢咁多類似新聞，唔會覺得意外」才真正露出拋棄糟糠又𡁻完唱渣男本性！

生活中重心再次回到香港，不時被拍到逛街市買餸或者推著要靠輪椅代步的媽媽外出飲茶。其實煮兩味和盡孝道以外，大宇身邊還有一個默默陪伴在 側、低調同居近十年的傳媒高層女朋友。曾經失婚又多次在情路上碰壁，本來與十年女友低調同居並沒有再婚之意，據悉為了一還媽媽心願，陶大宇亦開始盤算要正式給另一半一個名份。

無意回巢大台 孖郭政鴻做變調版《美女廚房》

曾經為搵快錢順應潮流狂接三級片、又擔正多部無綫經典神劇一度成為娛樂圈頭號師奶殺手，陶大宇與無綫離離合合三番五次，最終09年再度終止合作，北上拍劇和頻接商演但求搵多個錢。

走南闖北這些年，陶大宇今年突然回流，接拍ViuTV電視劇《詭探前傳》，最近又孖兄弟郭政鴻主持ViuTV煮 食節目。煮食節目長做長有，無綫經典競賽式煮食騷《美女廚房》近日就在 ViuTV舊瓶新酒出現變調版《辣伙頭》，由煮得兩手的陶大宇、郭政鴻擔任主持兼評判，十位參賽者雖然都係美女，就比《美女廚房》多點誠意、少鬧笑話。

去年《刑偵》重播再掀熱潮，陶大宇就公開表明不會輕易回巢接劇：「依家我唔再好似後生時日夜顛倒搏殺囉！我會安排一半時間去工作，另一半時間留番畀自己，陪吓媽媽，見吓老朋友，享受吓生活。」