《降魔的2.0》「瑠佩悅子」離開TVB 34歲劉芷希臨別秋波交足功課

娛聞

東方新地

May 26 2020

小花輩出，電視城大把選擇，相對之下性感尤物成熟韻味嘅就物以罕為貴，造就34歲劉芷希(Kimmy)極速上位。繼《黃金有罪》飾演冶艷舞女搶晒鏡後，呢期《降魔的2.0》又見到佢喇！

撰文、圖片：東方新地

《降魔的2.0》「瑠佩悅子」離開TVB

劉芷希個角色，馬明頭號偶像、著住底褲偷偷享受嘅日本AV艷星「瑠佩悅子」囉，仲要同女主角劉佩玥同音，明玩嘢喎！可惜劉芷希家在馬拉、父母年長又有個機師男友等佢，今個月正式宣布唔同邵氏續約，決定返馬拉繼承父親中藥生意仲會結埋婚㖭！

《降魔的》系列一直受歡迎就係因為夠玩嘢又貼地，呢期《降魔的2.0 》馬明有個日本 AV 偶像瑠佩悅子，就係由樣靚身材正實至名歸嘅劉芷希飾演。

選美出身、自薦入電視台，雖然年過三十至起步，但勝在獨有韻味又夠冶艷，Kimmy機會不斷，早排《黃金有罪》飾演舞女Lily戲份亦重。

Kimmy擁有33D導彈身材，配合43吋長腿，從不吝嗇大晒完美體態，經常喺IG派福利。

劉芷希臨別秋波交足功課

臨別秋波，Kimmy勤接訪問交代動向，一一向fans道別。日前就見佢應約接受訪問，又要趕住開工還片約，近近哋就喺電視城門口取景擺甫士。雖然入行時間唔長，又就快返鄉下，Kimmy工作態度依然一流，聽話聽教聽從攝影記者指示，影完相邊行邊傾笑容滿面，一睇就知呢次訪問記者夠晒貨交。不過唔使太惋惜住，Kimmy話暫別香港陪吓父母盡吓孝道啫，如果有劇集、廣告搵佢拍，仲會有機會返嚟㗎！

啱啱宣布不續約，將會回馬來西亞結婚同繼承<br srcset= — 父親中藥生意，劉芷希臨別秋波勤還訪問債。” width=”843″ height=”1024″ /> 啱啱宣布不續約，將會回馬來西亞結婚同繼承
父親中藥生意，劉芷希臨別秋波勤還訪問債。

先後奪得《馬來西亞國際模特兒大賽》冠軍、《中華小姐環球大賽》亞軍及「完美體態小姐」、「最高貴氣質小姐」仲有《香港珠寶小姐》冠軍，Kimmy選美經驗豐富。

《降魔的2.0》馬明AV女神「瑠佩悅子」起底

擁有33D火辣身材的劉芷希（Kimmy）正式入行僅三年，近日先後憑在無綫劇《黃金有罪》飾演舞小姐「莫莉莉」，及在《降魔的2.0 》扮演馬國明心目中的日本 AV女神「瑠佩悅子」而人氣急升，但早前已完成與無綫三年合約的她卻選擇急流勇退，返回家鄉吉隆坡繼承父親的中藥批發生意，並與拍拖三年的飛機師男友拉埋天窗！

《降魔的2.0》馬明AV女神「瑠佩悅子」真身！ 34歲劉芷希返大馬做人妻 — 劉芷希在馬來西亞吉隆坡出世和長大，於澳洲昆士蘭大學食品科學及營養系畢業後，曾參加不少在馬來西亞舉行的選美比賽。

在《降魔的2.0 》中已升呢做職業驅魔人的馬國明，依然鹹濕又麻甩，興奮地在家欣賞日本 AV 女優「瑠佩悅子」的香艷 DVD 碟《仲夏夜之初體驗》，可惜在對方除衫前，已被劉佩玥飾演的「啤啤」打斷。劉芷希飾演的AV女優角色名「瑠佩悅子」取自劉佩玥的同音字，除了女僕裝的Cosplay造型外，劇組更為她製作出一系列性感寫真集的封面照，足以以假亂真！