《陀槍師姐2021》44歲滕麗明相隔16年再做黃美棋阿媽

Jun 15 2020

廣告

陳豪、宣萱及滕麗名等日前出席新劇《陀槍師姐2021 》拜神儀式，《陀槍師姐》可說是TVB經典之一，距離上一輯已經有17年之久，事隔多年大部份角色都已經不在名單上，只剩下滕麗名飾演的「陳三元」及黃美棋有得留低！

撰文、圖片：東方新地

滕麗明相隔16年再做黃美棋阿媽

滕麗名相隔16年再演《陀槍師姐》系列的「陳三元」，將在新一輯中與黃美棋再次扮演兩母女。

真隔十多年，滕麗名keep得非常好，和當年比更為成熟，黃美棋則由可愛女生變成現在亭亭玉立的小美人。

陳豪拍《陀槍師姐2021》危險動作罕有用替身

陳豪指他在劇中的角色雖然有不少危險的動作場面，例如爆炸、追逐戲等，但他表示不會親身上陣：「劇組都有幫我安排替身，以前我會博啲，但依家有老婆仔女，就會更注重安全。」陳豪笑言相對同劇的羅仲謙等演員動作戲連場，他們今次拍攝得十分輕鬆，宣萱表示：「我哋啲戲主要喺室內歎冷氣，辛苦嘢交畀後生做！」陳豪亦附和說：「我哋都辛苦㗎，係笑得好辛苦！」

陳豪曾在《陀槍師姐III》中飾演反派黑幫大佬，他表示今次他將飾演一個全新角色：「我個角色係一個飛虎隊嘅commander，係個hero嚟，不過因為我要求好高，所以就好唔受歡迎，之後就被調咗去做Jessica（宣萱）嘅上司。」

宣萱透露劇中將會和陳豪有感情線：「佢係警隊嘅男神，好受女仔歡迎，我哋會有感情戲，佢前妻係陳庭欣，所以我哋都會有對手戲。」

羅仲謙大呻近日為趕拍新劇的動作戲，已三日三夜無覺好瞓，他說：「三日加埋只係瞓咗十個鐘，不過老婆一傳囡囡啲相畀我睇，我就會好醒神！」

鄧佩儀在新劇將會飾演冰室老闆娘，並與洪永城及羅仲謙大玩三角戀。

趙永洪、林穎彤及黃建東在新劇同樣飾演陳豪手下警員，而鄭俊弘則飾演一名黑幫頭目，與洪永城一齊爭做社團大佬。

洪永城在劇中演黑幫話事人，有出浴場面，他笑言：「劇集入面幾個身形比較出眾嘅男演員都有好多出浴戲，見到佢哋咁Fit，我只會攞條毛巾披住自己，悄悄地喺後面行過就算！」

關鍵詞

宣萱滕麗明陀槍師姐2020 陀槍師姐2021