阿Sa 潘瑋柏戴情侶口罩晒戀情？
廣告
自從2015年同陳偉霆分手後，回復單身嘅蔡卓妍感情一直未有着落！今日，阿Sa同台灣藝人潘瑋柏分別於微博上載戴同款黑色口罩相，潘瑋柏之後更乜都唔講剩係tag阿Sa，唔通二人戴情侶口罩順便公布戀情？
延伸閱讀：
拳佬親眼睇住花曼慘死
揭段通天被殺真相 刁蘭為幫兇！
借口罩公布戀情？
今日阿Sa於微博上載一張現身機場，當時佢戴住黑色口罩，相隔約半粒鐘後，潘瑋柏又上載一張戴上同款黑色口罩相，冇留言齋tag阿Sa，令唔少網民懷疑潘瑋柏無啦啦tag阿Sa，二人可能拍緊拖，仲順勢藉此公布戀情！？
經理人代否認
潘瑋柏於微博中表示此行係飛去北京出席新店開幕，同行有老友唐志中，不過就沒有再提阿Sa。問到係咪同潘瑋柏拍拖，阿Sa經理人霍汶希代否認：「佢哋係朋友，可能佢見到阿Sa都係戴同一口罩，所以@佢。」之後阿Sa於微博留言解畫：「同款連接～」，更上載一張於網上以人仔38元便可買嘅黑色口罩相，表示口罩人人都買得，力證拍拖傳聞只係流料！
全文完
