關禮傑19歲細女發韓星夢恨入女團積極瘦身備戰變V面韓妹

Feb 28 2021

58歲的關禮傑飾有型有款，原來兩個女兒都長大成人。性格較活潑的細女關楓盈，原來亦想跟隨老竇步伐做星，不過她迷上的是韓國的K-pop文化，高中畢業的她最大心願是去韓國讀書，做練習生加入女團。雖然阿爸係關禮傑，但去韓國發展真係要靠自己實力，年前關楓盈與友人遠赴首爾探路，韓妹打扮中晒毒，據知關禮傑甚為支持細女發韓星夢，有個開明好爸爸，距離理想又近一步。

撰文、圖片：東方新地

關禮傑18歲細女發韓星夢撇低家人去首爾探路

關禮傑一門三美，太太梁安娜（Anna）是出名的靚媽，打扮新潮穿衣有品味，與25歲大女關楓馨（Fabienne）似足兩姊妹，細女關楓盈（Franziska）近年亦搣甩baby fat，顏值直逼家姐。自小跟住關禮傑接觸圈內的人與事，關氏姊妹花早已習慣活在閃光燈下，大女關楓馨已半隻腳踩入娛樂圈，細女關楓盈原來亦有自己的人生大計，近年迷上韓國 K-pop文化的她，追韓星追到上晒癮，買明星相睇 K-pop騷，就連打扮亦跟足韓星，頭髮染成七彩顏色，又釘齊鼻環、唇環與眉環，非常前衛，她與家姐關楓馨年紀相差七年，性格亦大不同，相比起家姐的成熟與乖巧，關楓盈比較自我與外向，父母的意願只作參考不會跟足。年前關禮傑與太太及大女外遊滑雪，細女關楓盈未有同行，原來是與友人去了首爾一趟。關楓盈過去幾年長駐加拿大多倫多讀高中，放假不是返港，就是去英國探家姐，近年迷上 K-pop，更是男團 BTS超級粉絲，而每次有心儀韓星去加國開騷，她都一定捧場，此行去首爾主要是朝聖兼探路。

關禮傑在無綫新劇《機場特警》中飾演機場特警組督察，雖然年屆五十八歲，但身形 fit爆、瀟灑依然，展現「美魔男」風采，吸引不少觀眾注意，他表示保養秘訣是食得健康，保持運動及心境開朗。 — 關禮傑在無綫劇《機場特警》中飾演機場特警組督察，雖然年屆五十八歲，但身形 fit爆、瀟灑依然，展現「美魔男」風采，吸引不少觀眾注意，他表示保養秘訣是食得健康，保持運動及心境開朗。

關禮傑與太太Anna育有兩女，近年兩個女先後到英國及加拿大讀書，一家四口每年都趁假期外遊，今年2月幸福遊英國。 — 關禮傑與太太Anna育有兩女，近年兩個女先後到英國及加拿大讀書，一家四口每年都趁假期外遊，20年2月幸福遊英國。

孻女孻心肝，關禮傑與太太Anna非常著緊細女關楓盈，去年在加拿大高中畢業後，囡囡即被召回返香港與父母生活。 — 孻女孻心肝，關禮傑與太太Anna非常著緊細女關楓盈，19年在加拿大高中畢業後，囡囡即被召回返香港與父母生活。

恨入女團積極備戰努力瘦身學韓文

據知情者透露：「關禮傑好錫兩個女，一直以來都畀好大自由度佢哋，做乜都有商有量，大女 Fabienne好識諗，讀埋碩士先諗入行做星，細女 Franziska就想做就去做，為咗追韓星，佢好想去首爾學好韓文同融入當地文化，所以早前同朋友去咗一轉，睇吓有冇短期課程可以報讀，Franziska仲好恨入女團，不過喺韓國入行真係唔易，要考入娛樂公司做練習生，要唱得跳得同睇得。論外形 Franziska好有潛質，不過演藝條件就係未知之數，所以都有難度。」

18歲的細女關楓盈性格活潑外向，近年深受韓潮影響，愛上顏色鮮艷的髮色，又在身體多處穿環，包括鼻環及唇環，打扮非常前衛。

早前關禮傑拉大隊去滑雪，關楓盈卻相約友人前往首爾，追星之餘亦周圍探路，為進一步了解韓國文化鋪路。

打扮韓風十足的關楓盈把頭髮染成粉紫色，指甲亦整得靚靚，去到邊都喜歡自拍，仲加埋動漫貼紙，非常 kawaii。

入香港演藝界就話有爸爸關禮傑照住，關楓盈想做韓星加入韓國女團就要百分百靠自己，廿四孝爸爸亦愛莫能助，而關禮傑只能在精神上和金錢上大力支持囡囡，知情者續說：「女大女世界，好多嘢都逼唔嚟，細女 Franziska目標好清晰，就係發韓星夢，關禮傑覺得佢有嘅係青春本錢，雖然心入面係非常之想佢繼續專注學業先，但書幾時都可以讀，畀佢出去闖闖都冇壞，只要佢唔係學壞絕對可以接受。對於細女思想與打扮都好前衛，關禮傑兩公婆亦冇所謂，因為佢哋都係新潮父母，一家四口無所不談，相處之道係好似朋友咁，完全冇代溝。」要打入奉行美貌主義的韓國娛樂圈，關楓盈積極備戰，五官標致雖有優勢，但自小肥嘟嘟的她，要靠後天努力瘦身，早年她亦跟隨家姐茹素，身形拉長擁有長腿，清秀 V面亦漸漸成形，值得期待。