凍齡鍾楚紅61歲生日仙氣不減 不愛P圖靚相直出開心Share
鍾楚紅61歲生日仙氣不減
今年受疫情影響，紅姑未有像去年60大壽般大肆慶祝，只與數名友人慶祝。一如去年，紅姑在社交網上分享生日飯局的照片，笑容甜美，稱得上是一位「凍齡美魔女」。
鍾楚紅60大壽 Kelly、蔡瀾爭相祝賀
從來唔鍾意P圖嘅紅姑，去年都有將「登六」生日飯局相直接放上網 開心share，以最自然、最有自信嘅真實一面示人，見紅姑笑容燦爛、皮 膚白滑，依然索到啪啪聲！而飯腳除有Kelly外，仲有蘇施黃、蔡瀾、美指奚仲文、經理人鍾珍等等⋯⋯
大家為紅姑送上多個靚靚生日蛋糕，仲有一大籠壽桃，紅姑心情大靚，全程展示其招牌魅力笑容。紅姑更留言感 謝好友：「謝謝大家的祝福，今年的願望是祝願大家身體健康，平安。」 得到咁多人愛錫，難怪紅姑時刻都咁開心啦！
鍾楚紅風情萬種仙氣照晒冷
雖然已經「登六」，但紅姑依然魅力不減。睇返佢當年啲相，唔使P圖都仙氣十足，真美女果然經得起時間考驗！
1979年選港姐出道
曾經在珠寶店當過職員的鍾楚紅於1979年參選香港小姐出道，當時只得第四名。當年冠軍是鄭文雅、亞軍是吳美麗，季軍則是鍾慧冰。
電影公司垂青 杜琪峯處女作登場
賽後，她在無線試鏡失敗，卻得到電影公司垂青，因而踏足影壇。1980年她的第一部大螢幕作品是杜琪峯的導演處女作《碧水寒山奪命金》
