22歲鄧月平處女揸槍做賊婆 夥拍林雪食大茶飯底褲都冇埋
廣告
有「巨胸翠如」之稱的鄧月平（Larine）日前夥拍林雪為唱作音樂人Dough-Boy紀念入行十周年所唱的新歌〈 PROVE 〉拍攝MV，有多個「第一次」，更拍到底褲都要報銷，似乎甚有睇頭！
撰文、圖片：東方新地
鄧月平處女揸槍做賊婆
MV中Larine飾演一名著住性感Sport Bra的賊婆，在由林雪策劃的一宗驚天械劫中與DoughBoy擦出愛火花，最終Larine卻中槍身亡，她直言今次是她第一次揸槍兼第一次扮死，最麻煩係中槍後身上要搽上好多血漿，令她的底衫、底褲都要全部報銷！
夥拍林雪食大茶飯底褲都冇埋
Larine大讚首次合作的Dough-Boy有才華又有型，她笑說：「最緊要係佢有眼光，揀咗我做MV女主角，非常之有品味，哈哈！」Larine指今次整個MV的拍攝過程都非常刺激又新鮮，不過由於拍攝中槍後浴血一幕，Larine身上要搽上血漿，之後清洗時就令她非常頭痛，她說：「啲血漿真係好難洗，嗰日拍完之後我用咗成支卸妝水去抹身上面啲血，搞到我嘅底衫、底褲全部都要報銷！」
