放個仔落洗衣機呃like？ 過氣咪神被網民轟「波大無腦」
撰文：東方新地｜圖片：新傳媒、Instagram、電影劇照
現年37歲的雷凱欣，11年拍完3D肉蒲團後曾一度人氣急升，但之後並沒代表作便淡出娛樂團。有傳她與車行太子爺陳智聰交往，直到18年被好友Yumiko踢爆才承認已生子。
雷凱欣雖然一直未有承認婚事，但近日不時喺IG放閃，同網民分享與兒子的親子照，更寫下已為人母的心聲～
放個仔落洗衣機呃like？
雷凱欣日前又喺IG上載一張兒子的正面照，點知就惹來網民非議！相中見到佢囝囝被放入揭蓋式洗衣機，「今日喺日本嘅屋企發現開蓋式洗衣機嘅好處，當你化妝ing嘅時候，原來可以將呢個痴媽根嘅小朋友放落去企喺你隔籬，又唔怕跌親，而佢又可以望住你，一舉幾得。」
被網民轟「波大無腦」
不過雷凱欣此舉惹來大量網民批評，話佢「波大無腦」，指佢為呃like妄顧兒子安全，最怕係囝囝之後有樣學樣，自己爬入去，到時發生意外就後悔莫及！所以，大家記得唔好胡亂模仿！
那些年《3D肉蒲團》
當年三級片《3D肉蒲團之極樂寶鑑》成為一時熱話，為稱為史上首部3D情色電影，片中雲集日本成人片女優及大量性感女星演出，其中香港代表就有36F巨乳雷凱欣，唔少男士都爭相買飛入場！
露點疑係「老點」
當年唔少男觀眾都係想睇雷凱欣露兩點而入場，點知該幕戲只有大概一秒，更有人認為只係剪接技巧，質疑露點戲係用替身！雷凱欣被網民鬧爆，後來出席活動時仲講到喊晒口，好委屈。
上《美女廚房》晒胸
新一輯《美女廚房》依家逢星期六有得睇，其實當年雷凱欣都上過《美女廚房》，一身超低胸吊帶裙大晒巨乳，仲要瘋狂烏低身煮嘢食！
