31歲謝芷倫靠《愛回家》「Mandy」跑出備戰《3日2夜》勤做運動keep fit

Apr 28 2020

以《愛•回家之開心速遞》「Mandy 」一角彈起的31歲女星謝芷倫（ Jan），自今年初簽約做無綫「親生女」後，工作接踵而來，近日孖何泳芍主持旅遊節目《 3日2夜》，更飛到泰國布吉及蔻立，玩勻潛水、浮潛、滑浪、獨木舟等多樣運動，大晒她靠密密做運動操出來的 Fit爆 Body！

撰文、圖片：東方新地

謝芷備戰《3日2夜》勤做運動keep fit

謝芷倫透露為了在節目中以泳裝示人，在拍之前加緊操Fit自己：「主要係密密做運動操番實啲腹肌，同埋戒鹽、戒油炸食物，盡量食得清淡啲防止水腫。」謝芷倫又透露小時候試過在泰國玩海底漫步：「我嗰陣好驚個頭盔會入水，驚到震晒唔敢行，依家大個咗先冇咁怕水。」

謝芷倫雖然為節目考獲了潛水牌，但仍表示在布吉潛水是今次拍攝的最大挑戰：「因為布吉啲水流好急，仲要潛到落18米咁深，真係好緊張，好彩有教練拖實先冇被啲暗湧沖走。」

謝芷倫指在自己努力修身下成績不俗：「身邊朋友都話我 Firm 咗，好似細咗一個碼咁！」

謝芷倫近年迷上玩「 Plank 」( 平板支撐健身運動 ) 來 Keep Fit，成功操出纖腰和結實腹肌。

謝芷倫今年除了有份演出英皇電影《我的筍盤男友》外，又先後演出了《大醬園》、《法證先鋒IVIV》、《機場特警》等劇集，工作多籮籮。

謝芷倫除了精通鋼琴和芭蕾舞外，早前更開始習武及學打獅鼓，她直言希望將來有機會做打女：「我爸爸都識武術同舞獅，希望我可以傳承到爸爸嘅武術天份。」

謝芷倫在《愛•回家之開心速遞》飾演的秘書「 Mandy 」和馬貫東飾演的「博士」以情侶檔深入民心，但兩人自去年離開《愛·回家》後，只在今年初短暫「回家過，令一眾劇迷非常懷念。

31歲謝芷倫扮死屍人氣急升開心上位

入行7年的謝芷倫，發展不算一帆風順，2014年參選港姐亦十強止步，幸運之神似乎未有太眷顧這位多才多藝的運動女神，謝芷倫憑《愛•回家之開心速遞》演拜金港女林美香Mandy成功入屋，在《法證先鋒IV》演情婦角色的她，被殺兼被真空膠袋密封棄屍，要彎住身體在透不過氣的真空膠袋動也不動拍攝，期間更要在外景曝曬幾個鐘，真係少啲膽識同能耐都做唔到，抵佢出位，近日風騷在IG出靚相拼圖，心情靚靚造型也特別悉心打扮：

謝芷倫《法證IV》扮真空死屍出位

無綫重頭劇《法證先鋒IV》，首集跨平台平均收視高達 37.1點，破盡八年來紀錄，收視勢如破竹，令TVB一夜間回到巔峰，一班參與拍攝的演員全部升呢，不過，講到最出位，並唔係一班劇中主角，而係近日在新單元中扮演情婦，被殺後放入膠袋真空密封的新晉小花謝芷倫，首次扮演死屍角色的她，接到劇本二話不說親身上陣。

12年在澳洲修讀完工商管理學士回港入行，曾為香港電視拍攝了多個劇集，可惜成績一般，直至14年參選港姐加入無綫，17年終憑《愛•回家之開心速遞》港女Mandy 一角入屋，同博士馬貫東更成劇中受歡迎CP。

謝芷倫透視裝操足兩粒鐘

16歲已經是公開田徑跨欄比賽冠軍人馬的謝芷倫，入行前已是田徑、羽毛球、芭蕾舞、鋼琴及瑜伽高手，但相比她奮鬥工作的拼搏精神，更不能小覷！入行後，謝芷倫雖然未見立即彈起，但平時一直保持鍛練，以保持體態及鬥志，日前謝芷倫如常到公園及運動場拉筋、壓腿一字馬、sit-up、跑圈，操足兩粒鐘，幾時都話機會是留給有準備的人。