（有片！）新劇《殺手》終獲解凍！李佳芯疑遭大台放棄、連續四劇被飛！

Jun 27 2020

去年被指因網上言論表露政治取態的李佳芯（Ali），一度疑被無綫已決定放棄，寧願捧聽話花旦。除了三套續集作《踩過界II》、《 BB大晒（BB來了續作）》及《白色強人II》冇得留低，上月開拍的《七公主》亦改由黃翠如頂上，連續四劇被飛走！幸好前年拍起的台慶劇《殺手》近日終於解封，於6月尾可以重見天日⋯⋯

撰文、圖片：東方新地

李佳芯新劇《殺手》演貪錢師奶

新劇角色錢向茜( Cash) 是陳豪的助手，機靈滑頭，有著小聰明，總能絕處逢生。表面上貪小便宜，不放棄任何一個賺錢的機會，是位不折不扣的「港女」，實質只想減輕財政負擔，讓兒子有更好的生活。

陳豪看中了茜的小聰明，讓茜當自己的助手，任務成功後更可以獲得一筆可觀的酬勞。

見錢開眼殺手助手-錢向茜(李佳芯)喺劇集殺手裏面係殺手助手，亦都係見錢開眼嘅師奶，做殺手？幾錢先？其實都難怪佢嘅，一個女人仲要有小朋友，大嘅唔食細嘅都要食㗎嘛！

李佳芯配角捱上做主角憑《 BB來了》坐正做視后

2012年底由有線過檔到無綫發展的李佳芯，由配角捱上做主角，得高層加持機會多多，擔演的角色皆大有發揮，17年憑《踩過界》蒲精法官角色上位，同時奪走《星和無綫電視大獎2017》及《 TVB馬來西亞星光薈萃頒獎典禮2017》兩個海外女主角獎，2018年再憑《 BB來了》坐正做埋TVB視后，炙手可熱吸盡人氣及財氣。

李佳芯由有線過檔無綫即被力捧，劇接劇的她由配角做到上主角，18年更憑《BB來了》新手媽媽角色摘下視后。

「推劇」激嬲高層黃翠如唔止一次臨危受命

不過，走紅即心高氣傲，李佳芯曾一度為了在聖誕及新年檔期賺快錢，反口推劇激怒無綫高層，當時無綫要出動愛將黃翠如臨危受命，頂她拍《那些我愛過的人》，雖然最後Ali大步檻過，獲無綫網開一面，繼續有機會擔大旗拍重頭劇《殺手》及《愛美麗狂想曲》，可惜禍不單行，早前被指網上言論表露政治取態，被TVB雪藏，觀眾緣和人氣急挫，近幾個月幾乎絕跡無綫熒光幕。

無工開平價開餐觀塘橋底約友人訴苦

無工開的日子，記者攝得Ali一個人駕車外出，到觀塘會合朋友歎Tea。被「放長假」的Ali，另一日一個人駕車外出，到觀塘會合朋友歎Tea。不過，Ali全程愁眉苦臉，對友人喋喋不休，似在訴苦：

冇工開的日子，也無心情打扮，當日Ali著回早前同男友拍拖放狗的工人褲白帽白波鞋。

李佳芯四劇被飛換黃翠如做《七公主》女一

不過當工作急煞停，連月來坐冷板凳的她亦開始洞悉事業危機。據知已被無綫送入雪櫃的她，除了《 BB大晒》、《踩過界II》以及年底開拍的《白色強人II》冇得留低，下月開拍由陳維冠（Joe）監製的《七公主》，原本由她擔任女一角色，亦轉由形象好的黃翠如頂上。

原本是上年台慶重頭劇的《殺手》，因Ali拖累至6月尾才播出，同劇主角陳豪、高Ling亦相當無奈！

走紅即推劇的Ali，18年反口辭演與林文龍合作《那些我愛過的人》，要由當時放假中的黃翠如臨時受命頂拍。

台慶檔劇集《殺手》亦抽起雪足一年終獲解凍！

據知情者透露：「一路以嚟，監製陳維冠（Joe）畀好多機會Ali，好似《誇世代》、《殺手》都用Ali孭重飛，上年Joe籌備開拍《七公主》，一直屬意搵Ali做第一女主角，不過當時Ali已經定咗會拍《 BB來了》續集《 BB大晒》，套劇同樣定喺今年三、四月開拍，阿Joe為咗遷就Ali，都專登將《七公主》延後至六月開等佢，不過公司要將Ali入雪櫃，就連上年台慶檔被抽起嘅《殺手》，到延期到今年6月底先播，阿Joe最後被迫放棄，決定將《七公主》女一換咗聽話又有觀眾緣嘅翠如擔正。其實初頭，Ali諗住自己當紮，都唔係好信自己真係會被雪，直到四套劇都被飛，佢先知係咁嚴重！」

已變急凍人的李佳芯，四套重頭劇連環被飛出局，除了三部續集作品《踩過界II 》、《 BB大晒》及《白色強人II 》冇得留低，下月由伯樂陳維冠監製的新劇《七公主》，原本屬意她的女一角色亦由黃翠如頂上。圖：《踩過界II》

李佳芯雪足年半終重見天日

話說回頭《殺手》其實早喺2018年開鏡拜神，登上2019年電視台月曆仲要係去年節目巡禮重頭推介劇集，點知拖到2020年都過咗一半至出街，話晒兩大視帝攜手演出嘅重頭劇竟淪為倉底貨，因由何在？咪就係因為女主角李佳芯（Ali）去年喺微博失言慘被無綫雪藏，結果導致《 BB大晒》、《白色強人2 》等都被易角，連完成咗嘅台慶劇都冇得出街！見攤足年半、Ali守行為年半，無綫終於肯放套劇重出生天，除咗為清倉，主要都係想試水溫睇吓兩地觀眾對李佳芯嘅反應。想快啲睇到360度無死角李佳芯復工繼續有劇拍嘅，大家就要識做捧場啦！