撰文：占士@Central│圖片來源：劇集海報、電視劇照、電影劇照、IG、微博

被亞視姐仔寸係姣婆 遭正印爆料！萬綺雯疑做過甄子丹呂頌賢小三

萬綺雯貴為亞視一姐，拍過嘅劇集當然唔只《我和殭屍有個約會》一套啦！當年劇接劇嘅佢連緋聞都一個接一個，好似佢同呂頌賢喺1991年主演《大提琴與點38》嗰陣，就被傳萬綺雯暗撻同麥景婷熱戀中嘅呂頌賢！搞到萬綺雯被人話做小三呀！

黎海珊與萬綺雯爭奪呂頌賢

呂頌賢拍《大提琴與點38》時正與黎海珊熱戀中，但黎海珊似乎都估唔到呂頌賢同萬綺雯拍拍吓劇竟然撻著咗，搞到黎海珊嬲嬲豬，口出狂言話亞視出咗個｢姣婆亞姐｣，對佢男朋友放生電、勾引佢男友！

（左：細龜黃一山、右：黎海珊）

TVB節目《笑星救地球》照片

矛頭直指萬綺雯

老實講，大家叫得出名嘅亞姐又有幾多個呢？咁啱呂頌賢又同萬綺雯合作，所以矛頭即刻直指當時嘅亞視一姐萬綺雯！

萬綺雯1989年至2012都是亞視藝員，一出道已擔任第二女主角。

廣播道爭仔舊事重提

有傳當年黎海珊試過截停喺廣播道截停呂頌賢架車，即場鬧爆喺車上嘅萬綺雯。又有拍黎海珊試過入廠大把大把車落萬綺雯塊面，真係好火爆呀。據說事件隔咗無耐，呂頌賢同萬綺雯嘅戀情亦終於告終。

1995年 令甄子丹拋妻棄子

同呂頌賢分開一年後，萬綺雯轉個頭就同當是已為人夫嘅甄子丹因為合作《精武門》爆出戀情，同年甄子丹更選擇拋妻棄子，名正言順同萬綺雯熱戀。 不過當年萬綺雯貴為亞視一姐，甄子丹亦尚未成為宇宙最強，人氣不如萬綺雯，加上早有家室就令呢段戀情飽受輿論壓力。自兩人公佈戀情更是謠言滿天飛！

甄子丹曾為萬綺雯以一敵八

甄子丹喺《葉問》就一個打十個，而當年就有拍佢為咗保護萬綺雯喺蘭桂坊一個打八個，打到人哋入廠！

不過萬綺雯事後亦有澄清事件，話當日只係朋友生日，話有人酒後口花花撩女仔搞到有啲碰撞，整個過程都無人被打到入醫院。

甄子丹試過下跪求婚

甄子丹亦試過喺亞視台慶時當眾下跪向萬綺雯求婚，萬綺雯更揚言非君不嫁。可惜呢段姻緣維持四年多就結束，後來萬綺雯受訪時亦有大方重提舊情，表示：「年輕時總覺得對方最好，以為我兩之間是世界上最浪漫的，但其實只是自己想得太完美。最大的挫折，莫過於以為已找到最適合的人，卻發現我倆根本不適合對方。」

現任丈夫陳十三

睇嚟萬綺雯幾乎每任男朋友都係因劇結緣，好似現任丈夫陳十三亦係因為拍攝《我和殭屍有個約會II》撻著，喺劇集慶功後正式約會，四個月後正式註冊結婚！ 萬綺雯、呂頌賢、甄子丹現在都各有所屬，萬綺雯就同陳十三結婚十八載，甄子丹亦同太太汪詩詩育有一對寶貝囝囡，呂頌賢就同拍拖14年嘅麥景婷於08年到關島結婚。

萬綺雯、陳十三合照

甄子丹、汪詩詩合照

甄子丹、汪詩詩合照

呂頌賢、麥景婷合照

呂頌賢、麥景婷合照

延伸閱讀：

亞姐返嚟啦！重溫8大出土亞姐 你認得幾多個？

1.汪詩詩1999年參選

真係唔講都唔記得，原來汪詩詩曾參選1999年亞姐，可惜最終落選！當年18歲嘅佢以汪思絲之名示人，其實樣子到依家冇乜點變，都係有個豬膽鼻及雙厚唇！

汪詩詩2003年同甄子丹於多倫多結婚後，現育有一女一子，身形反而愈來愈正，完全冇晒baby fat，玲瓏曲線弗過唔少後生女！

2.陳煒 1996年冠軍

當年23歲嘅陳煒大熱當選，舉起勝利V手勢樣子同已離世嘅梅艷芳有九成似！因此，煒哥曾於劇集《美麗傳說2星願》及內地劇《梅艷芳菲》中飾演梅艷芳原型，成功演活梅艷芳一舉一動及英姿，獲得唔少觀眾一致好評，人氣高升，奠定亞視一姐地位！

愛性感 晒長腿

最難得係煒哥向來係大方之人，完全唔會吝嗇騷身材，比堅尼簡直係濕濕碎啦！

45歲女人味爆發

煒哥今年11月就踏入45歲，不過身形同樣貌都愈來愈正，難怪老中青粉絲都被迷倒！

演技愈見出色

煒哥近年由亞姐過檔TVB後，演技更上一層樓，喺唔少大台劇亮相，演出深受好評，經常都俾人話搶鏡過啲後生女主角！

3.姚嘉妮 1998年季軍

回到那些年，姚嘉妮1998年參加亞洲小姐獲得季軍，之後成為亞視旗下藝人，至2001年轉投無綫。

那些年泳衣照出土

姚嘉妮出道後星途平平，不過勝在樣貌身材出眾，年輕時拍唔少性感照，其中更唔介意拍含雪條意淫相，可以話係含雪條女星始祖！

《都市閒情》長腿吸睛

無綫節目《都市閒情》觀眾多為家庭主婦，但近年竟多咗唔少年輕觀眾，就係為咗睇一眾索女主持！除了大家都好熟悉的彭慧中外，姚嘉妮亦吸引唔少男觀眾追捧！

激罕性感照重溫

姚嘉妮早年曾為本刊拍過一輯性感照，漁網絲褲肉搏男模，依家睇番都覺得大膽……

肉搏男模

4.伍詠薇 1989年最上鏡小姐

當年只得20歲嘅伍詠薇參選亞姐，被視為該屆大熱，結果於準決賽奪「最上鏡小姐」，並於決賽打入前五名，可惜最後落選。其後加入亞視拍劇，直到1994年約滿後離開轉投TVB。查實伍姑娘後生時真係卜卜脆，皮膚白雪雪仲有少少肉地，真係嗒得杯落！

半百so what?

伍姑娘後生咁索，就算依家年近半百一樣keep得非常好，每次現身都咁明豔照人～

5.萬綺雯 1989年亞軍

萬綺雯(蚊蚊) 當年以半個馬鼻輸俾冠軍翁虹，屈居亞軍！之後加入亞視成為藝員，代表作肯定係劇集《我和殭屍有個約會》中演馬小玲，除將角色演得活靈活現，招牌長腿更係深入民心！

蚊蚊雖然已45歲，但外形卻比出道時睇落更年輕，除了長腿一樣咁誘人外，一臉稚氣樣子更冧盡唔少網民！

萬綺雯離開無綫前最後一部作品《致命復活》，演出令人難忘！

6.羅霖 1991年冠軍

羅霖26歲當選冠軍後，即辭去空姐一職入行！不過代表作反而係轉投TVB後，於《真情》演雙雙而紅極一時。到1996年嫁予富商劉坤銘後育有三子，2012年正式宣布與丈夫離婚。

真係唔似53歲？

53歲美魔女羅霖可算係亞姐中變形變得最驚人嘅一位！睇佢出道時方包面，到依家V字面，刀削下巴愈變愈尖，變臉之謎甚囂塵上。不過佢否認整容，僅表示因出任代言人而打過蛋白溶脂針，又稱沒打過下巴。除臉容變得輪廓分明，身材亦越發玲瓏浮凸，原屬紙板身形嘅佢，忽然波濤胸湧更係耐人尋味！

羅霖亦有份演出早前大熱劇《宮心計2深宮計》。

7.楊恭如 1995年冠軍

大美人楊恭如1995年贏得冠軍及「最上鏡小姐」等四項大獎，更被喻為最索亞姐，翌年參與陳可辛大製作《甜蜜蜜》，同影后張曼玉及黎明做對手戲。

楊恭如近年主力在國內發展，現年44歲嘅佢瓜子臉愈來愈明顯，鼻子變得更高，拍得住楊怡招牌木偶鼻！

大家睇番呢兩張楊恭如嘅近照，有冇發覺有咩唔同呢？

8.吳綺莉 1990年冠軍

吳綺莉18歲當選亞姐冠軍時，兩邊腮骨又闊又大，不過甜美笑容搭夠，當年都算嬌俏可人！

今年就45歲嘅吳綺莉，雙眼反而比以前變得更明亮，腮骨亦變得細小很多，最奇怪係上圍亦升了幾cup一樣，愈老愈索！