【萬千星輝頒獎典禮2020】視后黑馬龔嘉欣30歲被封「最捱得花旦」《金宵大廈2》同李施嬅撼過

Jan 7 2020

萬千星輝頒獎典禮2020將於本周日假將軍澳電視城舉行，接連多套劇播出的龔嘉欣，四年前在《幕後玩家》演人妻憑出色喊功，贏得無綫萬千星輝頒獎典禮最佳女配角，全無功夫根底的她唔聲唔聲，前年為演活一個剷青加紋身的瘋狂女殺手Dark Angel，進行地獄式特訓，打到周身傷都堅持親身上陣拍《殺手》，角色破格令她成功搶fo人氣回歸，更憑角色首度提名視后！

撰文、圖片：東方新地

萬千星輝頒獎典禮2020龔嘉欣被封「最捱得花旦」

龔嘉欣憑《殺手》的搶戲Dark Angel一角，入行13年首度提名視后，另外又憑《香港愛情故事》提名「最受歡迎電視女角色」！無綫劇集《殺手》有雙視帝陳豪與黎耀祥做男主角，本來已極具吸引力，不過龔嘉欣飾演的Dark Angel角色卻由頭帶到尾，令觀眾對她刮目相看。自從16年勇奪最佳女配角後，龔嘉欣彷彿在等待另一個機會，雖然劇接劇未停過，但始終欠缺爆炸力，今次完全豁出去的癲狂演出，除了演技再次獲認同，其專業態度更令人敬佩。

拍攝《殺手》時，龔嘉欣其中一場戲拿著武器與演員對打，因位置不對被對方的木棍打中手指，她忍痛繼續打，隔天去看醫生才知斷了手指筋，導致右手尾指至今乏力，不能彎曲，留有後遺症。

早前出席《殺手》宣傳活動，龔嘉欣即場表演腳踢劇中的歡喜冤家黎耀祥，祥仔亦大讚嘉欣為演好角色付出不少。

萬千星輝頒獎典禮2020龔嘉欣打到周身傷

為了飾演癲喪殺手Dark Angel，龔嘉欣拋棄乖乖女斯文形象，要剷頭染髮加紋身，單是畫假紋身的時間比真正紋身還要長，而紅色頭髮很難維持，需要每星期補染一次，另外還要接受兩個月的動作特訓，苦練劇中絕技雙刀花式。對於弱質纖纖的龔嘉欣來說，武打場面是十級挑戰，為拍連場打戲，她因為親身上陣導致多番受傷，包括背肌勞損、斷手指筋兼腳傷要縫針，吃盡苦頭。據知情者說：「開拍前好多人知道呢個角色由Katy(龔嘉欣)去做，都質疑佢未必捱到，點知佢做得好放，大家都跌晒眼鏡。套劇嘅台前幕後都大讚Katy好專業，一個動作做一百次佢都照做，絕對唔會hea，就算流晒血佢都忍痛繼續拍，真係戥佢痛，呢個時勢冇乜邊個花旦好似佢咁捱得。」

因為角色只穿性感Bra Top及小背心，龔嘉欣每次吊威吔都無法用護墊，搞到周身傷痕。另一次於偏僻廢墟拍打鬥場面，吊威吔飛踢長槍時，小腿上五吋、下五吋不慎踢中槍柄受傷，等到收工去醫院洗傷口，結果嚴重到要縫針。

龔嘉欣為演好癲狂女殺手，一星期地獄式訓練三日、每日朝十晚六練習，練習踢靶時為了踢腿效果好，她不停練、習、練招式，付出並無白費。出拳，拍攝

龔嘉欣非常感謝監製陳維冠，由《幕後玩家》、《誇世代》到《殺手》都給她機會，並鼓勵她作不同嘗試。

龔嘉欣成視后黑馬：真係盡咗力

龔嘉欣時來運到，榮升業主後事業運亦暢旺，《殺手》角色入晒屋，又殺入《金宵大廈2》與李施嬅平分秋色，而去年初拍完的《香港愛情故事》亦剛播畢，對於有望keep住人氣乘勝追擊衝視后，龔嘉欣透過電話回應：「觀眾嘅認受性好重要，好多謝個角色帶挈，我真係投放咗好多心機同盡咗力，希望成套劇台前幕後都得到認同，如果有獎係錦上添花，冇獎我都會繼續努力。雖然真係打到周身傷好艱辛，但我唔驚，以後再有打戲搵我一樣會拍，依家識咗啲技巧，再拍一次效果會更好。」