【萬千星輝頒獎典禮2020】高海寧簽長約爭視后撻Q 好姊妹佘詩曼教路轉Plan B 內地趕返港搶獎

撰文：東方新地 ｜ 圖：東方新地、高海寧IG

《萬千星輝頒獎典禮2020》前趕返港

高海寧去年拍畢《七公主》後便到北京拍攝網絡電影《Tan Tan害我分了手》，更擔正做女主角，12月前煞科的高Ling繼續留在內地搵真銀，出席商演、綜藝節目等，有一定人氣，更有自家的直播帶貨活動，連王浩信都要做她帶貨嘉賓一起帶貨，成功掘金﹗不過為了返港搶獎，高海寧在一月時已返港出席《萬千星輝頒獎典禮2020》跟各花旦爭獎。

高海寧用續約做籌碼爭視后

去年有四套劇連播的高海寧，本來叫胡叫四飛，不過無綫公布《萬千星輝頒獎禮2020 》的提名名單中，她只憑《反黑路人甲》入圍提名最佳女主角及最受歡迎女角色，至於擔正的《迷網》及《 C奶特工》均未獲提名。今年有18位花旦入圍爭視后，最終更由蔡思貝奪得，高Ling掃興而歸。花旦中不止高Ling一個夠期續約，所以高Ling亦早有兩手準備，惟有轉Plan B與無綫達成共識，全力讓她發展國內市場，今年10月高Ling挾著之前客串內地劇《三十而已》的人氣，赴京探路，放眼神州放輕視后，高Ling果然是靈活變通的世界女。

頒獎前續約未明 背後有好姊妹佘詩曼教路 兩邊發展

過去被封視后的花旦並非民望高就一定攞硬，據知情者透露：「高Ling喺無綫拼搏咗十二年，佢覺得今年係收成期，之前公司氹掂佢簽長約，高Ling即打蛇隨棍上爭取做視后，公司好例牌咁讚賞佢嘅努力大家都有目共睹，話唔會待薄佢，不過獎呢啲嘢唔係白紙黑字可以保證，亦唔係一個人可以話晒事，原來今年有幾個視后人選都就快約滿，唔到最後都 唔知花落誰家。高Ling除咗想爭視后，佢肯簽長約其中一個原因係公司應承會幫佢攻內地市場，舊年10月佢飛去北京隔離完，就開始打通內地人脈，先同內地傳媒打好關係，出席新劇《非凡三俠》嘅記者會，仲拍咗套網大（網絡大電影），佢突然開竅全因好姊妹阿佘（佘詩曼）教路，阿佘北上發展咗咁多年睇通晒，佢同高Ling講只要能夠成功打入內地市場，名利乜都有，呢啲先係真正出路，不過無綫就樹大好遮蔭，兩地發展亦冇壞。」

08年參加港姐入行的高Ling，由最初以34D身材為焦點，到近年專注拍劇磨練演技，終獲無綫力捧脫離「花瓶」之列，爬上女一之位，從過去兩個月的北漂生活來看，睇得出高Ling非常適應內地生活，甚至樂而忘返。