臭寸女星現形！沈卓盈、呂慧儀、陳嘉倩中箭被指「擺阿姐款」

Apr 4 2021

有唔少女星都曾經被撕開臭寸真面目，呂慧儀曾發晦氣窒娛樂新聞台女主播周佩婷，之後被幕後大爆擺阿姐款，馬蹄露姪仔馬米高於書中揞名爆遭無綫資深女藝人冷言冷語，另外還有多位女星都曾被指好臭寸，當中包括嫁入豪門的沈卓盈。

呂慧儀被馬蹄露姪仔揞名爆料

做藝人態度好重要，有品自然人緣好，無品扮Nice好快露底，呂慧儀曾兩度捲入耍大牌風波，事緣馬蹄露姪仔馬米高出書爆料指曾遭「海產」欺負，指對方喜歡扮導演，擅自改新人對白，對其他人指指點點等。馬米高雖然沒有指名道姓，但提到他曾以不同角色在同一劇參演多次，就只有《愛．回家之開心速遞》，「海產」嫌疑女藝人就是「長腳蟹」呂慧儀。

臭寸呂慧儀唔止一次被爆惡行，唔好睇佢平時好似傻大姐咁，有指她為人臭寸同喜歡蝦蝦霸霸。 — 呂慧儀唔止一次被爆惡行，唔好睇佢平時好似傻大姐咁，有指她為人臭寸同喜歡蝦蝦霸霸。

臭寸馬蹄露姪仔馬米高近年轉戰網絡平台教英文，去年書展推出新書《英文寫真》。 — 馬蹄露姪仔馬米高近年轉戰網絡平台教英文，去年書展推出新書《英文寫真》。

臭寸其中兩章節講述他在 TVB工作的經歷，大爆被「海產」女藝人白眼，矛頭直指呂慧儀。 — 其中兩章節講述他在 TVB工作的經歷，大爆被「海產」女藝人白眼，矛頭直指呂慧儀。

沈卓盈表面和善背後藐爆

狗眼看人低的女星又點止一個？有指前年嫁富商離巢無綫的沈卓盈表面好Nice，實際是假面人，見高拜見低踩，所以在圈中人緣差勁，之前拍劇雖與陳凱琳、譚凱琪及龔嘉欣結成「少婦聯盟」，不過姊妹情難以維繫，最近經常三缺一。

臭寸沈卓盈亦被指平時講嘢陰聲細氣，但原來為人假到爆，見高拜見低踩，甚少花旦與她傾得埋，亦因為自視過高有感在無綫冇機會發圍，18年12月離巢。 — 沈卓盈亦被指平時講嘢陰聲細氣，但原來為人假到爆，見高拜見低踩，甚少花旦與她傾得埋，亦因為自視過高有感在無綫冇機會發圍，18年12月離巢。

臭寸釣金龜成功的沈卓盈，前年嫁給從事內衣生意的富商 Calvin，二人在泰國舉行婚禮。 — 釣金龜成功的沈卓盈，前年嫁給從事內衣生意的富商 Calvin，二人在泰國舉行婚禮。

臭寸圈中姊妹只有何傲兒、陳自瑤及徐菁遙（原名：徐淑敏），「少婦聯盟」的陳凱琳、龔嘉欣及譚凱琪一個都冇份。 — 圈中姊妹只有何傲兒、陳自瑤及徐菁遙（原名：徐淑敏），「少婦聯盟」的陳凱琳、龔嘉欣及譚凱琪一個都冇份。

據知情者透露：「阿蟹(呂慧儀)近年的確係聲大夾惡，寸寸貢係佢嘅性格，不過無綫大把呢啲女藝人啦！沈大師(沈卓盈)都係其中一個，唔好睇佢平時講嘢陰聲細氣，其實佢對眼生喺頭頂度，表面對人好nice，擰轉面即時藐爆你，成日晒命睇唔起人，識咗富豪老公後就更加厭人貧。」身材標青的沈卓盈原來一啲都唔好相與，難怪與兩年前因拍《平安谷之詭谷傳說》結成的「少婦聯盟」互動愈來愈少，前年沈卓盈在泰國結婚，表面上friend過打band的陳凱琳、譚凱琪及龔嘉欣都冇份陪嫁，沈卓盈近年生日又唔見一齊慶祝，平時探陳凱琳個B只得龔嘉欣與譚凱琪，就連陳凱琳生日，沈卓盈都係no show，可想而知姊妹感情有幾好？