原文刊於：東方新地

胡定欣北上上海拍《白色強人2》 正式告別TVB

到上海拍外景，胡定欣當然要襯機遊覽一下上海美景。日前定欣就在IG分享了自己在外灘的照片，一頭短髮加上大衣，睇嚟精神不錯。圖片一出當然得到一眾粉絲留言、俾心，但想不到有粉絲留言： 「這個廣角更像玉瑛姐姐! 想念你噢」，令人哭笑不得。

胡定欣離巢TVB 演藝生涯新一章

胡定欣上載一張風景相，並留言透露新動向：

來年嘅日子以另一個模式為觀眾帶來更多作品，繼續多多指教!~😊
我將正式與邵氏兄弟國際影業有限公司展開合作!感謝當年芭姐及Ben Chan將我帶到TVB Management！感激樂小姐和已離世嘅佩華姐多年嘅提點，支持同機會！多謝過去18年公司藝員部同事嘅照顧，Angel、Cindy、Atom、Sam、Winpy、Daisy，有你哋陪伴我經歷事業上嘅高高低低，渡過很多難忘時刻！來年嘅日子以另一個模式為觀眾帶來更多作品，繼續多多指教!~

胡定欣1999年參加新秀入行

接連在《一屋老友記》及《城寨英雄》兩套hit爆劇集做女一的胡定欣，數年前年勇奪視后後，劇集一套接一套，而且角色相當有發揮，屬近年最被力捧的花旦！事業順風順水，但其實定欣99年參加新秀入行，03年加盟TVB後演過唔少路人甲，亦捱過多年做大茄的日子，由二打六到視后，定欣唔只地位升晒呢，仲愈紅愈靚添！

定欣在《一屋老友記》扮男人婆入型入格，可惜鋒頭被滕麗名搶晒，淪為陪襯；好在緊接的《城寨英雄》中，飾演打女刁蘭的定欣演技非常出色，無論打鬥場面還是發姣電牙佬，定欣都演得非常放，更獲觀眾激讚！

憑《鬼同你OT》同田蕊妮獲「雙視后」

定欣2015年憑《鬼同你OT》同田蕊妮獲頒雙視后，兩人「神同步」演技簡直係神奇頂級超卓！而且定欣在圈中人緣極佳，同胡杏兒、黃智雯、胡蓓蔚等組成「胡說八道會」，去年尾一齊陪杏兒出嫁，當時身穿姊妹裙的定欣明顯容光煥發，唔只係視后，仲係女神級添！

03年《衛斯理》做路人甲

定欣早於01年入讀藝訓班，03年正式拍劇。處女作係03年《衛斯理》做路人甲，然後有機會拍住郭晉安、容祖兒主演《美麗在望》。好快定欣已經有機會拍《衝上雲霄》做馬德鐘細妹，當時兩人仲傳出緋聞！04年的《大唐雙龍傳》，飾演「婠婠」的定欣終於開始多戲份，與男主角吳卓羲有極多對手戲。

飛躍進步 二線頭一線尾

以為可以從此一炮而紅，點知隨後幾年定欣一直冇乜代表作，做來做去都係細妹或姊妹之類的角色。直到08年贏得「飛躍進步女演員」，先開始獲監製賞識，有份拍《巾幗梟雄》、《刑警》、《拳王》等重頭劇，可惜始終都屬二線頭一線尾，上唔到女主角之位。

十年磨演技 《舞動奇跡》獲季軍

定欣用了足足十幾年磨練演技，近年終於上位成功，去年更成為視后。其實定欣除了好戲，跳舞亦係強項。自少學習中國舞的定欣，多次在台慶及其他大騷表演，08年參加《舞動奇跡》更獲得季軍。

十年磨演技 《舞動奇跡》獲季軍

事業得意，但定欣在愛情生活方面尚未搵到真命天子。早年與音樂人Terry分手的定欣，曾與吳浩康、馬國明及廣告人Pratt拍過拖，可惜全部分手收場。

全文完