《美女郊遊遊》索女組合「Double S」起底一個棄做律師、一個受狂迷滋擾勁陰公！

Apr 20 2020

由索女組合「Double S 」沈殷怡（Shirley Sham）、陳欣妍（ShirleyChan）聯同ERROR副隊長何啟華（阿Dee）主持的ViuTV新節目《美女郊遊遊》日前開播，三人在節目中走遍香港名山奇石及彎曲小徑，郊遊路線包括東龍島、破邊洲、白沙澳、四疊潭及蚺蛇尖等，此外每集均有極具挑戰性的戶外活動環節，讓觀眾見證到主持們的驚人成長！

撰文、圖片：東方新地

25歲法律系高材生沈殷怡演出經驗豐富

現年25歲的沈殷怡原是法律系畢業的高材生，在中文大學讀Law Master，畢業後在律師行實習一年，被ViuTV監製發掘而入行。曾在2014 年參選中國地球小姐奪得冠軍，之後在2018年加入ViuTV拍劇及主持節目。除了《美女郊遊遊》外，沈殷怡還曾演出過《詭探前傳》、《娛樂風雲》及《黑市》的「偽善若水」和「正能量」篇等劇集，以及參與過《金剛旅神團》、《今日疫情》及《辣伙頭》等節目。

陳欣妍（左）和沈殷怡因參加 ViuTV 烹飪比賽真人騷《辣伙頭》大受歡迎，而被網友封為索女組合「 Double S 」。

ViuTV 新節目《美女郊遊遊》三位主持沈殷怡（左）、陳欣妍與阿 Dee（何啟華）第一日拍攝即挑戰難度頗高的針山、草山、大帽山，出發前陳欣妍自言平常做慣運動，對自己的體能抱有信心，但甫出發不久，陳欣妍即表示有點吃力：「前日做咗個好辛苦嘅Legs Day，依家 Feel 到 Pat Pat兩嚿肉好痛，覺得自己有啲蠢！」

陳欣妍與沈殷怡早前為節目拍攝只著三點式行山的宣傳片，並以「激盪的青春」作標題吸客，一小時已有超過三萬人收看。但事後節目組表示這只是愚人節大整蠱，真正節目中兩人在行山時並無著三點式上陣。

阿Dee獲邀做「團隊好友」與「Double S 」行山，路途中阿Dee更非常Gentleman地主動幫兩個女仔孭背囊。

沈殷怡表示自細已甚有表演慾，又愛講爛Gag，因此希望能接拍喜劇：「因為我之前演嘅角色下場都比較慘，至於扮醜有冇底線？你睇吓我個行山節目就知，入面我冇一個鏡頭係靚嘅，因為我行到筋疲力盡，全部都係驚恐狀態中。」

沈殷怡自爆25年來只行過三次山，行山資歷尚淺，路程中一直落後，幸得陳欣妍與阿Dee沿途一直鼓勵她，最終三位主持花了12小時才完成第一天的拍攝行程，由天光行到天黑，教練Sunny指他們比正常時間落後約三至四倍，沈殷怡自責指：「係我嘅責任！」

沈殷怡自言拍攝《美女郊遊遊》的過程全部都有血有淚：「我仲畀蚊咬到隻腳爛晒，希望大家可以認真睇落去。」

26歲陳欣妍受狂迷滋擾與大10年男友感情穩定

另一美女陳欣妍入行2年多，曾拍攝電影及電視劇，陳欣妍自爆因讀了13年女校，到大學時才情竇初開，至今26歲只拍過三次拖。近來人氣急升的陳欣妍，透露入行兩年多來一直受狂迷滋擾，她直言試過報警，可是警方指狂迷行為未構成刑事罪行，最多只可作民事追究：「佢搞我工作、私生活，仲騷擾埋我男朋友，真係令我好困擾。」