網民狙擊46歲楊千嬅 開Group奚落「多功能阿婆」
撰文：東方新地、圖片：Facebook群組《多功能阿婆 楊千嬋》
楊千嬅黑歷史被翻炒網民扮丁生留言超爆笑
根據簡介，這是一個希望能和各會員分享楊千嬅作品的群組：
宗旨：本群組志在分享楊千嬸作品，希望能夠圍爐取暖，變成互助互愛跨跨群。如果涉及佢老公丁生的話，可以SHARE，但唔好太煩膠
不過點進去就知道，會員分享的絕不是楊千嬅作品那麼簡單，更多的是楊千嬅的黑歷史，例如出席活動時的衣著配搭，還有各種應對媒體時的報導，完全就是一個針對楊千嬅黑歷史而成立的群組。
其實《天生不對》係導演谷德昭在2017年翻炒自己《行運超人》的續作，主要服務大陸觀眾，女主角由楊千嬅變成薛凱琪、周渝民，但依然有鄭中基：
谷德昭執導， 周渝民 、薛凱琪、鄭中基 主演的風水命理無厘頭爆笑喜劇《天生不對》電影預告
Posted by 電影瘋 Crazy For Movies on Wednesday, October 11, 2017
少少離咗題，睇返更多千嬋驚心圖片：
更爆笑的是，除了有網民分享，更有人自稱「丁子高」，不停發放「老婆」楊千嬅的各種醜照和走音演出，完全看得出丁生對丁太的「愛」！
同場加映：「大笑姑婆」合集
楊千嬅出道不久就因為喜歡大笑而被人稱為「大笑姑婆」，的確她經常在鏡頭先展現她的燦爛笑容，也有人指她常在拍戲時因為太容易笑所以頻頻NG，然後又以笑遮笑引起其他台前幕後不滿，大家來經典回顧一下吧。
重溫：楊千嬅聲稱唔介意被同鄭秀文撞樣 網民：語氣表情出賣咗佢啦！
去年在網上瘋傳一張女明星在深水埗某商場出席活動的舊照，相中的女星染咗一頭酒紅髮色﹑戴上黑框眼鏡﹑皮膚白晳、仲搽咗鮮紅唇膏，加上穿藍色花花恤衫，一身造型唔止令網民熱議，話分唔到相中人係鄭秀文(Sammi)定楊千嬅，甚至有人話似李香琴、梅小慧、李蕙敏等，超搞笑。事後Sammi「自首」話相中人係佢，而楊千嬅昨日出席活動也回應此事，但有網民睇咗千嬅回應寸到爆，而且就話佢把口話唔介意，但佢嘅語氣同表情都徹底將佢出賣！
撰文：東方新地 圖片：無綫影片截圖、新傳媒圖片、instagram、微上圖片
楊千嬅、鄭秀文撞樣 網民傻傻分不清
有網民在深水埗西九龍中心行街時，望到牆身貼滿各大明星出席商場活動時的陳年照，佢話相中人疑似楊千嬅又似鄭秀文，於是同朋友打賭仲放上網一齊研究：「我今日去西九龍中心行街， 見到楊千樺呢張相， 然後我個朋友死都話佢係鄭秀文， 大家麻煩用雪亮嘅眼睛睇清楚，然後留言佢係邊個。 因為我哋打賭咗100蚊。」其實楊千嬅初出道已被指佢個樣好似鄭秀文，呢張相更加證明佢哋似，仲有網民搞笑話似李香琴、梅小惠。
Sammi自嘲有「咸濕伯父」feel
見到大家為了自己的舊照討論得咁激烈，Sammi喺IG自首，佢寫道：「這個是mi呀。Mi估計自己拍這張照片前一晚，大概是狂飲了十碗超級味精麻辣火煱湯，另加七包薯片然後再鯨呑了一枝粗鹽， 面型就會有如此『十級飽滿』的效果。 簡直不是蘋果肌咁簡單，是史上第一種西瓜肌。至於那副眼鏡，下次麻煩攝影大哥提醒mi 托高小小，現在看來壓住眼皮兼且不上不下，有點 『咸濕伯父』feel。」
粉底白過麵粉
Sammi續寫：「至於紅唇嘛！有圖有根據，mi確實一直是『紅唇烈豓(燄)』的鐵粉，所以今時今日做運動爆汗都會繼續紅唇烈豓(燄)極待撫慰……過去的由它過去吧我要向要看，因有自信所以美麗的重要性，我仍然能夠講一聲我係我。但mi將要開演唱會，求求不要再用舊照刺激我啦，這個粉底白過麵粉是甚麼玩法，至於老zing畫的塘虱眉就會一直挺下去永遠不厭棄。」
最啜核仲係有網民搵到當年阿Mi出席該商場嘅活動，鄭秀文同葉蒨文為商場任剪綵嘉賓，當年鄭秀文染了一頭紫紅色去拍攝國語專輯《為你等》的唱片封面以及《癡癡為你等》的MV。
唔介意撞樣
郭富城、楊千嬅昨日出席一個環保活動，會後佢接受TVB《娛樂頭條》訪問，主持林子博話：「近日有人喺商場見到有間舖頭有張明星相，大家就估緊⋯」都未等對方講完，千嬅就話：「啊⋯仲有人買明星相㗎依家？吖係呀！」林子博續說：「係呀！估緊究竟呢個係楊千嬅定鄭秀文⋯⋯」又未等對方講完千嬅又話：「嘩！咁呢件事好珍貴喎！」
「原來我值100蚊！OK！」
林子博話個網民跟住仲同朋友以100元輸賭，千嬅寸爆話：「吓100蚊咋？」之後千嬅低頭苦笑話：「值100蚊咋喎！原來我值100蚊！OK！原來咁⋯」子博補充話「唔係個網民輸賭啫！」千嬅就話：「哈哈哈⋯講笑啫！我又唔知有件咁嘅事喎！」
「分到咪得囉！」
子博話張相真係好難分辨，千嬅話：「係咩，咁唔緊要吖，依家分到咪得囉！」千嬅講到個「囉」字就拉長個尾音！佢又補充話：「係囉！不過有時係有機會認錯嘅！某啲角度我都覺得似，但係冇乜所謂吖！
「似著佢靚」
千嬅話：「咁人人都會有一個相似嘅地方嘅！咁我又覺得冇乜嘢喎，咁呀！似著佢靚我又覺得OK嘅～哈！」講完佢就「哈！」失笑咗一聲！有網民睇咗千嬅回應話佢根本一早知呢單嘢，扮到唔知情，回應時勁寸，雖然佢口口聲聲話唔介意，但語氣同表情都徹底將佢出賣！
