直擊31歲簡淑兒巡視業務學做珠寶生意 由低做起等接棒

撰文、圖片：東方新地

簡淑兒唔甘心做千金小姐 努力進攻演藝界

自幼隨家人移民美國的簡淑兒，父母是珠寶商人，對於回流後曾入住西九龍豪宅凱旋門，被指是唔憂柴唔憂米的千金小姐，簡淑兒早年曾公開否認出身於大富之家，到現在她都堅持父母從事小生意，只承認沒有家庭負擔，可以選擇自己喜歡的工作，而她於12年參選港姐十強不入後，翌年就開始了演藝工作。

入行初期的簡淑兒，因為樣貌不算出眾，入無綫後被安排做娛樂新聞主持，後來經過大進化變成仙氣女神，15年與許雅婷等組成女子組合「少女標本」，再全力殺入劇組，當年在處境劇《愛．回家之八時入席》演可愛秘書，外貌開始受到關注，自去年簽約無綫做「親生女」後更加劇接劇，繼去年播出的《好日子》和現正熱播的《 C9特工》外，簡淑兒還有《踩過界Ⅱ》和《一笑渡凡間 》兩部劇集待播，一直只被視作花瓶的她看來開始備受重用。

簡淑兒演藝事業無起色母親有微言

據知簡淑兒的父母對於女兒在無綫發展多年仍未上到一線頗有微言，知情者說：「當年係Jessica（簡淑兒）媽咪提議佢返香港參加港姐，只係想佢攞吓人生經驗，冇諗過佢落選依然瞓身入行，呢七年嚟見佢拍劇未有代表作，覺得佢喺度浪費時間同青春，成日問佢想玩到幾時，過咗三十歲都應該有自己嘅事業同成就，佢雖然有六姊弟，但唔係個個都有興趣繼承家業，因為Jessica喺美國讀過藝術設計，佢父母覺得佢有潛質做珠寶，想佢返屋企幫手，Jessica當然明白父母係為佢好，為咗可以繼續拍劇，佢應承屋企人會學做珠寶生意，寧願辛苦啲兩邊兼顧，如果再過多幾年演藝事業真係冇起色，佢就會返公司幫手。最近Jessica唔使開工都會返珠寶公司寫字樓，佢每次都係逗留幾個鐘，有需要時亦會實地巡視分店業務，所有嘢都由頭學起。」

家族生意代言人不假外求

簡淑兒的父母早已把珠寶公司做得有聲有色，成立廿八年除了香港的零售業務及出口生意外，在國內亦自設工廠與辦事處，09年更在香港創建了珠寶品牌「 Dazzle」，近年全力由簡淑兒擔任代言人，成為珠寶店的御用生招牌。早前簡淑兒拍完《一笑渡凡間 》休息了一段時間，近月再連踩兩劇開拍《智能愛（AI）人》及《我家無難事》，不用開工的日子，她都會抽時間返珠寶店返工。本刊記者連日都見簡淑兒一身輕裝兼素顏離開位於黃埔海逸豪園的寓所，坐上男友的黑色Audi戰車到達紅磡一幢工業大廈，返回其家族珠寶公司的寫字樓，一出𨋢已見所屬樓層走廊牆身掛滿由簡淑兒擔任模特兒的廣告燈箱，而每次簡淑兒上樓返工大約三、四小時，再由男友接送返回寓所，未見他們再外出拍拖，男友亦未有泊好車一齊上香閨。簡淑兒現居的黃埔海逸豪園單位是由其家族珠寶公司的簡姓董事持有，於2000年斥資六百多萬買入，相信單位業主是簡淑兒的親友。