直擊陳展鵬單文柔恩愛拍拖買餸千萬安樂窩內藏「小豬比」兒童天地

Oct 22 2020

廣告

衞生意識超強的煎Pang（陳展鵬），去年4月囡囡出世，雖然未有疫情，他因怕細菌入侵，經常將全屋消毒，朋友探 B他亦嚴陣以待，要大家穿上保護衣才可抱 BB，連他自己亦取笑屋企似足醫院 ICU病房！怕工人姐姐衞生意識低，煎 Pang更堅持自己親自外出買餸，亦會上網訂日用品。日前煎 Pang夫婦孖住到街市買餸，恩愛拍拖出巡超級有生活情趣！

撰文、圖片：東方新地

陳展鵬單文柔恩愛拍拖買餸

現時新冠肺炎疫情下，煎 Pang當然更謹慎防疫，小豬比未滿一歲，他已經訓練女兒戴口罩及自己用消毒紙巾抹手，他亦吩咐工人姐姐每天幫小豬比的玩具消毒，怕工人姐姐衞生意識低，煎 Pang更堅持自己親自外出買餸，亦會上網訂日用品。日前煎 Pang夫婦孖住到街市買餸，恩愛拍拖出巡超級有生活情趣，兩公婆行到邊都有商有量，早已是街市常客，二人買餸亦好有步驟，更全程由老婆單文柔揸 fit，在街市遊走一圈已經買到成車餸，然後由煎 Pang駕車一齊返屋企！緊張人爸煎 Pang，要嚴謹監控小豬比健康，唔肯為錢賣女可以理解！

怕工人姐姐衞生意識唔夠強，煎Pang堅持自己買餸，及上網訂日用品，日前陳生陳太拍拖到街市上糧，因疫情關係未有帶囡囡同行！

愛妻號煎Pang除畀老婆手執財政大權，拍拖買餸亦由老婆話事買乜，當日所見單文柔好有管家婆本色！

買完蔬菜，單文柔眼明手快在隔籬檔買蒜頭等調味配菜。

有檔主認出煎Pang夫婦，單文柔笑容滿面和對方寒暄！

買完菜再去買魚同海鮮，兩公婆已經買慣買熟，有晒步驟！

在街市遊走一圈，餸菜買滿兩個環保袋，還抽住一大袋餸離開，步出街市煎Pang才緊張幫老婆攞餸。

買齊餸菜煎 Pang 著老婆單文柔返上車等他，自己則折返去生果店取回之前買好的兩大箱生果，同店舖職員一人搬一箱上車。

千萬安樂窩內藏「小豬比」兒童天地

煎Pang17年斥資1,280萬買入將軍澳日出康城晉海三房單位，今年中一家三口正式入伙，成為三口子安樂窩，而全屋裝修最大特色，是煎Pang特地為女兒小豬比打造一個兒童天地。

小豬比遊樂天地的圍欄與軟墊亦好多款式，肯定是爸爸的精心傑作！

疫情唔可以帶囡囡外出玩，煎 Pang便想盡辦法給小豬比驚喜，早前就給囡囡砌咗個小帳幕，帳幕上布置了彩色氣球做裝飾，煎 Pang更為抗疫在房間設置空氣淨化機。

寓所屋苑平台仲有鞦韆設施，早前煎 Pang同囡囡一齊玩盪鞦韆，小豬比更唔願被拖，鬼馬揈開爸爸隻手。

煎 Pang夫婦 Po家居相都以囡囡天地為主，這張難得睇見飯廳的照片，可見夫婦倆撐枱腳環境相當有情調。

關鍵詞

陳展鵬單文柔