直擊劉青雲、陳展鵬陪妻買餸大不同一個體貼老婆一個雙手插袋

Nov 11 2020

廣告

疫情嚴峻，不少藝人為求安心都會親自出馬採購糧食，早前本刊就拍得兩位型男劉青雲和陳展鵬各自陪太太出巡入貨，兩位都是人人口中的愛妻號，但採購買餸對老婆的貼心程度，似乎還是劉青雲略勝！

撰文、圖片：東方新地

直擊陳展鵬單文柔拍拖買餸雙手插袋唔幫手

現時新冠肺炎疫情下，煎 Pang當然更謹慎防疫，囡囡小豬比未滿一歲，他已經訓練女兒戴口罩及自己用消毒紙巾抹手，他亦吩咐工人姐姐每天幫小豬比的玩具消毒，怕工人姐姐衞生意識低，煎 Pang更堅持自己親自外出買餸，亦會上網訂日用品。日前煎 Pang夫婦孖住到街市買餸，恩愛拍拖出巡超級有生活情趣，兩公婆行到邊都有商有量，早已是街市常客，二人買餸亦好有步驟，更全程由老婆單文柔揸 fit，在街市遊走一圈已經買到成車餸，不過煎 Pang全程雙手插袋，見單文柔拎到成手餸，直到臨上車先幫手拎一拎，似乎唔夠體貼！

怕工人姐姐衞生意識唔夠強，煎Pang堅持自己買餸，及上網訂日用品，日前陳生陳太拍拖到街市上糧，因疫情關係未有帶囡囡同行！

愛妻號煎Pang除畀老婆手執財政大權，拍拖買餸亦由老婆話事買乜，當日所見單文柔好有管家婆本色！

買完蔬菜，單文柔眼明手快在隔籬檔買蒜頭等調味配菜。

有檔主認出煎Pang夫婦，單文柔笑容滿面和對方寒暄！

買完菜再去買魚同海鮮，兩公婆已經買慣買熟，有晒步驟！

在街市遊走一圈，餸菜買滿兩個環保袋，還抽住一大袋餸離開，步出街市煎Pang才緊張幫老婆攞餸。

劉青雲郭藹明落區買餸分工合作體貼老婆

相比煎pang，結婚23年嘅劉青雲就明顯細心得多。早前疫情未嚴峻，青雲夫婦孖住到九龍城街市買餸，怕老婆辛苦，郭藹明買完一樣劉青雲就即刻幫手袋好孭好。睇嚟結婚無耐嘅煎pang真係有排學！

早已是街市熟客的二人，入到街市分頭行事，郭藹明到相熟肉檔買牛肉。

青雲買完嘢會合老婆，第一時間接過老婆孭住的環保袋，與老婆分工合作將餸菜放好。

青雲不讓老婆操勞，自然地將環保袋孭上身，兩人乘扶手電梯落地面時，繼續邊行邊傾，青雲更露出幸福笑容。

青雲先將裝住餸菜的環保袋放入車廂擺好，兩公婆才上七人車離開。

關鍵詞

劉青雲郭藹明陳展鵬