謝霆鋒唯一主演TVB劇、專出女神《四葉草》系列 盤點運動題材青春劇

撰文、圖片：東方新地

鄧麗欣主演《男排女將》

有超級無敵排球發燒友兼前港青隊的鄧麗欣主演，帶領一班 MIRROR 成員陳卓賢、盧瀚霆、柳應廷、呂爵安、邱傲然、李駿傑、王智德等殺入香港排球聯賽，將 Stephy 塑造成香港男子排球史上第一位女教練，有卡士有噱頭仲好熱血。

陳山聰、姚子羚練跑鐵腳《大步走》

3月出街嘅無綫劇集《大步走》，男女主角陳山聰同姚子羚平時已經係練跑鐵腳，今次跑出套新劇都算係第一次。

鄭嘉穎、黃浩然《拳王》身材有睇頭

11年首播、由金牌監製羅永賢製作嘅《 拳王 》，講述泰拳拳手
比賽嘅故事，兩位男主角鄭嘉穎同黃浩然身材睇得仲好好
打，當年出街曾掀起過一陣報名學拳熱潮㗎！

捧出羅仲謙、陳家樂《盛裝舞步愛作戰》

08年北京奧運，馬術賽事部分在香港賽場舉行，無綫四葉草系列拍到第四輯都好夾 timing，特別以馬術運動做故事主軸。如今已獨當一面嘅羅仲謙、陳家樂、衛詩雅、洪卓立，都係由呢套劇作為演藝起步。

謝霆鋒唯一TVB主演劇集《撻出愛火花》

一入行就係新人王，家陣仲跨界做埋廚神，謝霆鋒演藝生涯唯一一套為無綫主演嘅劇集《 撻出愛火花 》係以柔道為主題，而女主角就係一早上岸兼生咗四個女嘅張新悅。

《戀愛自由式》集話題年輕偶像

04年首播嘅《 戀愛自由式 》顧名思義係講游泳隊嘅故事啦，集齊當年可謂係最具話題嘅年輕偶像同歌手，除蕭正楠、陳文媛、黃宗澤、黎諾懿外，仲有Cookies當年最紅嘅Stephy 同傅穎。

《衝線》蔡思貝擔正之作

仲早過林嶺東執導嘅電影《破風》，無綫14年已經拍過以單車運動員做主題嘅電視劇 《衝線》 ，並由 (左起 ) 蔡思貝、沈震軒、溫家偉、羅仲謙、周志文主演。

《當四葉草碰上劍尖時 》客串粒粒皆星

無綫經典青春偶像劇之一，03年推出，以劍擊做題材，男女主角黎諾懿、唐詩詠已經係今時今日嘅當家小生同花旦，而當日有份客串嘅更加係粒粒皆星，包括容祖兒、陳奕迅、謝霆鋒。

《四葉草赤沙印記》宅男女神陳自瑤擔正

四葉草首部曲大紅，於是翌年暑假再推出二部曲， 以 沙 灘 排 球 為 主題。由啱啱做咗媽咪嘅楊秀惠，以及當年已經係宅男女神嘅陳自瑤擔任女主角。