《男排女將》楊偲泳象腿巨躉打波 演惡隊長mean爆鬧Stephy
廣告
ViuTV劇集《男排女將》就快大結局，劇中女主角Stephy鄧麗欣是前港隊甲一球員，不過因傷患影響退隊，一直未能克服心理影響，幾乎全素顏演出《男排女將》的Stephy角色如度身訂造，備受讚賞，早前劇情講到Stephy終於重新振作加入甲一女排，不過狀態大不如前，跳都跳唔起，被飾演隊長Choco的楊偲泳藐爆，仲當眾落面，唔笑又mean爆的楊偲泳做衰人好入戲，不過都唔及佢對象腿同巨躉搶fo，平時著衫可以遮遮掩掩，著排球褲真係相形見絀！
撰文：東方新地 圖片：《男排女將》截圖、楊偲泳fb及IG
《男排女將》女主角終於露一手
《男排女將》以排球為題材，女主角Stephy鄧麗欣又是打得之人，當然唔少得會有打波場面，不過《男排女將》劇情一開始就講Stephy因為膝蓋傷患而放棄打排球，後來全靠一班小鮮肉男排球員再次燃起她對排球的熱火，Stephy終於振作並加入一隊甲一女子排球隊，重新接受操練。
《男排女將》中的黑面隊長
再次入隊的Stephy經過三個月的訓練依然未能回復昔日狀態，因為心理影響跳都跳唔起，次次扣球都落網，Stephy被隊長Choco(楊偲泳)藐完再鬧、鬧完再藐，黑面楊偲泳好氣焰，仲大大聲鬧Stephy連做後備的資格都冇，不少網民在
網上鬧爆隊長楊偲泳太惡冇同理心，除了尖酸刻薄，隊長每次穿上排球褲，身材缺點就原形畢露，一雙超級粗壯的大腿及巨躉都好礙眼，泊埋Stephy身邊對比特別明顯。
張振朗巨咪女友
平時楊偲泳上鏡完全唔覺她對腳出事，擁32D上圍的她識得打扮，著衫可以隱藏缺點，偏偏演排球員就要穿又貼又短的排球褲，現晒真章。見楊偲泳在《男排女將》親身上陣，原來她與Stephy一樣自小就愛上打排球，現在更是香港女
子排球乙組球隊匯青球員，此外，她還有另一身份，就是無綫當紅小生張振朗的女友，二人拍拖就快兩年，效力ViuTV的楊偲泳是近年的新晉演員，只要唔見象腳，甜美外表與激凸上圍都好見得人嘅！
