52歲琦琦為家人嚴選健康食材 15歲囡囡高挑身型盡得媽媽真傳

撰文：東方新地、圖片：東方新地/任晴佳IG

琦琦親自為家人嚴選健康食材

所以話，有咩幸福得過娶到個賢內助呢？日前八姨太就撞見琦琦孖助手出巡，親自到銅鑼灣超市買餸入貨。一向高人一等嘅琦琦身穿綠色長裙喺人群中鶴立雞群特別顯眼，就算戴咗黑超都一眼被認出！身為一家之「煮」，見佢全程主攻蔬菜瓜果，仲要逐件攞上手睇清睇楚，揀到最新鮮最靚嘅先放心擺上購物車。咪以為佢有助手跟身就翹埋雙手乜都唔做，琦琦落手落腳自己推購物車㗎，助手企喺身邊負責畀吓意見，呢啲咁好嘅老細去邊度搵？！

囡囡任晴佳擁43吋長腿 15歲殺入模界成品牌寵兒

諗起琦琦就自然會諗起佢15歲愛女任晴佳（Ella），雖然仲讀緊書，但一早已經俾唔少廣告商睇中，15歲就已經殺入模界，全因為佢遺傳到父母優良基因，唔單止長相甜美，而且擁有高挑身材，自然成為商家寵兒。早前就為一個品牌拍攝硬照，見慣大場面嘅佢毫不怯場，順利完成！