王浩信弟退選 陳自瑤爆笑：其實佢唔係咁孱
廣告
王浩信胞弟王瑋彤宣布因健康理由，退選港男，而無綫方面亦已接納，今日王瑋彤阿嫂陳自瑤(YoYo)出席無綫「八月星辰」活動時，就爆笑回應叔仔因健康理由退選一事。
港 男大熱王瑋彤參選初期前曾因腎石入院診治，雖然當時未需要做手術，不過之後他多次表示身體不適，同時更因精神緊張失眠影響健康，因此決定退選。但其實，王 瑋彤一直以來都好想入行發展，除當過模特兒，亦表示曾參與電影演出，熱愛演戲。雖然因健康理由選擇放棄，實在令人感到可惜，但健康先係最重要！而今屆亦因 此由14位變番13位候選港男，之後將到台灣進行外景拍攝。
王 瑋彤的阿嫂陳自瑤(YoYo)，今日與陳庭欣、祝文君和蔡國威等在電視城出席「八月星辰」活動，本月27號生日的YoYo，透露生日期間老公王浩信要出國 開工，而被問到王浩信會否因公而零表示時，她扮嬲嬲豬謂：「唔知呢！睇吓佢有冇心啦！」不過談到王瑋彤因健康理由退選，YoYo笑謂：「其實佢身體唔係咁 孱，可能係精神壓力有影響，各方面加埋先會有咁嘅決定。」有記者笑指王瑋彤腎虧，問YoYo是否需要為他燉補品養身時，她爆笑講：「呢啲留俾我奶奶做 啦！」
