獨家！湯洛雯街頭鯨吞雪糕甜品回顧八年發肉期放閃：我肥瘦馬明都鍾意！

Oct 7 2020

坐定粒六做馬太的湯洛雯，本來已經是肉肉女，現在更加心廣體胖，幸福有樣睇，早前更豪言：「我肥瘦馬明都鍾意！」靚湯對自己副肉身充滿信心，就算變成航空母艦馬明都唔會嫌棄，難怪可以繼續唔甜唔食，早前她與馬明拍拖蜜遊淺水灣，鯨吞完一個巨型雪糕甜筒，返家前再買一個雪糕蛋糕、一碗糖水及一支朱古力甜筒，看來她想挑戰體重高峰。

撰文、圖片：東方新地

湯洛雯無懼幸福肥街頭鯨吞雪糕甜品

馬國明自從戀上湯洛雯，內外都變晒，春風滿面成個sharp醒晒，以前天然呆無情趣，對住靚湯變得風趣幽默，無工開即隨傳隨到戀愛大過天，出入靚湯紅磡香閨頻率勁高，拍拖更高調任影唔嬲，難怪老友蕭正楠早前大整蠱，見馬明在靚湯的IG貼文下留言「九點見」，呼籲大家記得收看靚湯當晚的直播。正當網民起哄之時，蕭正楠加入留言說：「哇！咁樣的老公去哪裡找？」然後裝作要改口般表示：「Sorry，Sorry，男朋友才對！」並附上數個思考中的Emoji圖案，似是意有所指。