【殺手大結局】龔嘉欣恨開續集 恨孖黎耀祥組殺手檔吸金
廣告
無綫劇《殺手》即將大結局，於劇中飾演職業殺手「Dark Angel 」的龔嘉欣，近日正密密四出為劇集進行宣傳，她直言已打上癮，好想《殺手》可以開拍續集，更希望有機會再度夥拍祥仔（黎耀祥），組成「殺手檔」吸金！
撰文、圖片：東方新地
殺手劇情重溫：《殺手》1-30集劇情故事大綱
龔嘉欣難忘黎耀祥專業態度
龔嘉欣今次首次做「 打女 」，在劇中有不少的打鬥場面，她都選擇親身上陣，因此經常令自己周身瘀傷，甚至試過打到手指斷筋。龔嘉欣在《殺手》 中首次與祥仔合作，她大讚對方好專業：「我記得有場戲祥哥拍到身水身汗、膝頭都腫晒，我就一邊等埋位一邊食緊薯條，但見到祥哥一句怨言都冇，坐埋一邊飲水，令我印象好深刻。」
龔嘉欣有望憑《 殺手 》衝擊視后
龔嘉欣曾以2016年劇集《 幕後玩家 》獲得「 最佳女配角 」獎，今次更有望憑《 殺手 》衝擊視后大獎。龔嘉欣坦言有不少活動都因疫情關係而被取消或延期：「但依家反而多咗啲網上廣告收入，要多謝客戶支持，我拍呢套劇時冇諗過個角色會為我帶嚟啲咩嘢，所以呢啲都係Bonus。」
