楊思琦兩個夠晒數封肚拒追B 好動囝囝識叫爸爸

Nov 18 2020

廣告

42歲楊思琦誕下細仔 Kody已有近九個月，日前她穿著一襲露背長裙現身，為香港開電視劇集主題曲拍攝MV。

撰文、圖片：東方新地

楊思琦成功收身唔再追B

已是一子一女之母的楊思琦，誕下囝囝近九個月後已成功收身。被問到會否再追多個仔女？楊思琦直言：「兩個夠晒數，唔會再追，囝囝已經識叫爸爸、媽媽、家姐同婆婆，屋企依家非常熱鬧！」

楊思琦為香港開電視的外購日劇《夏空》獻唱香港版主題曲〈仲夏陽光〉，她直言自己的夢想是唱歌、演戲及有自己的孩子，現在這些夢想都已達成，她笑言：「但喺事業上我仍然需要努力，同埋要畀心機去教育啲子女。」

楊思琦早前和網友分享她數年前出席活動時穿著旗袍的舊照，獲網友大讚和現在一Fit到漏。

楊思琦透露接近九個月大的細仔 Kody 人仔細細但好有運動細胞，最愛周圍爬，更試過爬上梳化椅背頂，她笑言：「因為之前未見過家姐有咁嘅舉動，所以我都估唔到佢會咁好動！」

楊思琦笑指近日在家練歌時，八歲愛女楊卓穎（Krystal）都會聞歌起舞。

關鍵詞