38歲梁靖琪抗疫留家玩仔 溫馨原木風之家曝光
廣告
2011年與富豪黃敏豪閃電結婚、大排53席舉行盛大婚禮,結果拍拖一年、結婚生活都係維持咗僅僅一年,梁靖琪 (Toby) 就將第一段婚姻畫上句號。好彩一次婚姻失敗冇令 Toby 對愛情卻步,18年被揭因為健身戀上小鮮肉施雋賢 (Jonathan),今次低調拍拖低調成婚,終於修成正果!
撰文、圖片:東方新地
梁靖琪溫馨原木風之家曝光
梁靖琪和施雋賢結婚不久就宣布造人成功,19年12月27日兒子施睿文(Roman)在養和醫院誕生,一年多以來,Toby 親力親為湊仔陪玩,個人社交平台充斥一家三口溫馨照片,減少幕前工作,升呢人母嘅 Toby 生活更滿足更豐盛。
海量靚相大晒大寶貝仔同大隻靚仔小鮮肉老公 Jon 之餘,一個唔覺意亦都意外令小兩口豪宅曝光。其實父母都喺無綫位高權重(母親蕭笑鳴人稱芭姐現已離職),Toby 自小不愁吃不愁穿家境富裕,前夫係炒樓巨富現任亦被指家底豐厚家住跑馬地千呎豪宅。婚後 Toby 同老公及囝囝嘅住所地方闊落裝修豪氣又有格調,抗疫居家有得玩水有得開 P,日日留喺屋企都大把節目!
關鍵詞
梁靖琪