林海峰緊張大師上身拖實行街 15歲細女林清勁黐老竇

娛聞
東方新地

廣告

林海峰98年娶天后彭羚過門、婚後 生了兩個寶貝女，眨吓眼大女林泳已滿20歲、細女林清則15歲。話晒都係上世情人，做老竇當然特別緊張，不過女大女世界，早前已放手大女去英國留學，只得細女仍在手邊，林海峰緊張大師上身，去邊都拖實細女，父女感情好到令人羨慕！

撰文、圖片：東方新地

林海峰緊張大師上身拖實行街

早於一月中，本刊影到林海峰與細女林清現身中環，其時新冠肺炎開始肆虐，兩父女冇罩出街食飯，飯後各自拎住個外賣盒，阿女仲翹實爸爸。林海峰拖實林清穿梭街市，囡囡亭亭玉立少女味出晒來，難怪爹哋要睇緊啲。

買完外賣翹實
買完外賣翹實
行街市拖實
行街市拖實

林海峰緊張大師上身拖實行街 15歲細女林清勁黐老竇

在囡囡面前，林海峰不減鬼馬本色，過馬路拖實狂奔，林清笑到收唔到口。
在囡囡面前，林海峰不減鬼馬本色，過馬路拖實狂奔，林清笑到收唔到口。
有細女林清陪伴左右，林海峰心情靚絕，駛出停車場時對住鏡頭陰陰嘴笑。
有細女林清陪伴左右，林海峰心情靚絕，駛出停車場時對住鏡頭陰陰嘴笑。
彭羚是好老婆亦是廿四孝媽咪，多年來全天候照顧兩個女兒，三母女感情要好，不時拖手行街。
彭羚是好老婆亦是廿四孝媽咪，多年來全天候照顧兩個女兒，三母女感情要好，不時拖手行街。

林海峰15歲細女林清初長成 身形瘦削潛力十足

品學兼優外形又出色，外界目光一向集中在大女林泳身上，其實唔覺唔覺，林家二小姐亦都已經初長成。20歲林泳高過媽媽彭羚，15歲林清原來都唔 弱，高度已經同林海峰並排、身形瘦削手長腳長、長髮飄飄加上一身健康膚色一樣潛力十足。

爸爸玩長跑、 媽媽醉心玩Gyrotonic， 一家都有運動底子，所以上月一見天氣回暖，林清落 街買包都換上吊帶裙。
爸爸玩長跑、 媽媽醉心玩Gyrotonic， 一家都有運動底子，所以上月一見天氣回暖，林清落 街買包都換上吊帶裙。
青春無敵潛力無限，亦令林海峰放心不下要親自𥄫實。
青春無敵潛力無限，亦令林海峰放心不下要親自𥄫實。
大女林泳備受外界注目，其實 15歲細女林清都在不知不覺中長成少女。
大女林泳備受外界注目，其實 15歲細女林清都在不知不覺中長成少女。
眉目五官比起胞姐，更似爸爸林海峰。
眉目五官比起胞姐，更似爸爸林海峰。

𥄫實15歲細女 點對點呵護接送

早年由名校女拔轉至港島區國際學校，一頭長髮身穿超短校服裙的林清一放學就被司機接走穩穩妥妥送回家。而來回學校路線以外，林海峰只要不用工作都盡量跟足，繼早前被影到跑住步等囡囡補習後，上月又見林清落街買條法式麵包，林海峰都要親自𥄫實。咁又係，天氣微暖已經急不及待換上吊帶碎花裙，爸爸肉緊啲都係人之常情！

眨吓眼，已經係漢基國際學校十年級生，林清日前一 放學就致電朋友笑瞇瞇講不停，爸爸眼中的前世情人其實已經有自己朋友圈子。
眨吓眼，已經係漢基國際學校十年級生，林清日前一 放學就致電朋友笑瞇瞇講不停，爸爸眼中的前世情人其實已經有自己朋友圈子。
父母沒有時間，林海峰就確保司機點對點負責女兒接送，咁就安全又放心得多。
父母沒有時間，林海峰就確保司機點對點負責女兒接送，咁就安全又放心得多。
大女世界想管都管不住，趁住細女林清仲聽話聽教，林海峰夫婦採取呵護姿態去到邊都跟到實，早前林氏夫婦陪實林泳去買鞋。
大女世界想管都管不住，趁住細女林清仲聽話聽教，林海峰夫婦採取呵護姿態去到邊都跟到實，早前林氏夫婦陪實林泳去買鞋。

熱門文章