林峯都未攞過！馬國明三度坐歪做二奶承繼奧運六子與視帝無緣魔咒

Nov 19 2019

又快到一年一度派發台慶頒獎禮成績表時間，之前台慶劇洗牌，據悉無綫今年有意安排《萬千星輝頒獎典禮》在12月初舉行，最有利攞獎成贏家，自然落到正在熱播的台慶劇《解決師》身上，男一王浩信食正天時地利；另一邊廂馬國明的《降魔的2.0》被飛出台慶劇之列，到底馬明是否仍未能打破二奶命，注定與視帝無緣？

馬國明陪跑20年輸到麻木

在無綫二十年，一直與世無爭的馬明，即使多次在劇集有突破演出，仍與視帝獎無緣，去年《深宮計》任三恕亦敗給馬德鐘，只獲「最受歡迎電視男角色」獎。上台頒獎時又天然呆上身，反問：「我真係唔知點解會攞獎，真係莫名其妙！」食白果食到麻木。

12年《on call 36 小時》

過唔少大熱作品彈出，演醫生受歡迎，亦唔係今時今日嘅事，早於12年他已在《 on call 36小時》演才華橫溢暖男「一件頭」人氣急升，不過，贏民心未贏到好運，最終還是同視帝擦肩而過，只能攞到「最受歡迎電視男角色」獎。

17年《降魔的》

17年再次有大熱作品《降魔的》，將馬明推向事業另一高高峰，不過又敗給王浩信，同樣失落視帝。

18年《深宮計》

拍到大製作《深宮計》，馬明埋門一腳都輸獎。

第十四期藝員訓練班出身的馬明，04年同林峯、陳鍵鋒、吳卓羲、黃宗澤及黎諾懿被封為「奧運六星」受公司力捧,不過六子猶如中咗魔咒，六人全部都同視帝無緣,唔知在無綫最長時間的馬明能否打破宿命！

關鍵詞